دو جہاں میں سلامتی آئی
جب سواری حَضورؐ کی آئی
Do jahan mein salamti aayi
Jab sawari Hazoorؐ ki aayi
جی اٹھے جو ضمیر مردہ تھے
آپ آئے تو زندگی آئی
Ji uthe jo zameer murda the
Aap aaye to zindagi aayi
وہ قرینہ دیا محمدؐ نے
سارے بندوں کو بندگی آئی
Woh qareena diya Mohammadؐ ne
Saare bandon ko bandagi aayi
ماہِ طیبہ کی ضوفشانی سے
ذرے ذرے میں دلکشی آئی
Maah-e-Taybah ki zaufshani se
Zarray zarray mein dilkashi aayi
رحمتیں دے گیا خیال انکا
جب طبیعت میں برہمی آئی
Rehmatain de gaya khayal unka
Jab tabiyat mein barhmi aayi
بوئے زلفِ حبیبؐ صِلّے علیٰ
باغِ عالم میں تازگی آئی
Boo-e-zulf-e-Habibؐ sille ala
Bagh-e-aalam mein tazaگی aayi
بیکسوں کو ملا شعورِ خودی
سرکشوں کو بھی عاجزی آئی
Bekeson ko mila shaor-e-khudi
Sarkashon ko bhi aajzi aayi
آسرا مل گیا محمدؐ کا
کام بیکس کے بیکسی آئی
Aasra mil gaya Mohammadؐ ka
Kaam bekas ke bekasi aayi
درد ہی بن گیا دوا بڑھ کر
جب محبت میں چاشنی آئی
Dard hi ban gaya dawa barh kar
Jab muhabbat mein chashni aayi
لاکھوں گلشن کھلا گئی دل میں
آپ کی یاد جب کبھی آئی
Lakhon gulshan khila gayi dil mein
Aap ki yaad jab kabhi aayi
دل سے جب میں نے ان کا نام لیا
رقص میں کائنات بھی آئی
Dil se jab maine un ka naam liya
Raqs mein kainaat bhi aayi
بزمِ کونین جگمگا اٹھی ،
آپؐ آئے تو روشنی آئی
Bazm-e-konaین jagmaga uthhi,
Aapؐ aaye to roshni aayi
نسبتِ مصطفےٰؐ ترے صدقے
میری جھولی میں ہر خوشی آئی
Nisbat-e-Mustafaؐ tere sadqe
Meri jholi mein har khushi aayi
دیکھ کر مشکلوں میں خالدؔ کو
آپ کی بندہ پروری آئی
Dekh kar mushkilon mein Khalidؔ ko
Aap ki banda parwari aayi
Share This Naat
Share with friends and family
دو جہاں میں سلامتی آئی
خالد محمود خالد