درِ حضورؐ سے در کوئی بھی بلند نہیں
وہ بد نصیب ہے جو اِس سے بہرہ مند نہیں
Dar-e-Huzoor ﷺ se dar koyee bhi buland nahi
Woh bad naseeb hai jo is se behra mand nahi
وہ آفتابِ رسالت ہے تیرگی کا نقیض
کہ جیسے ظلمتِ شب، مہرِ کو پسند نہیں
Woh aftab-e-risalat hai teeragi ka naqeaz
Ke jaise zulmat-e-shab, mehr-e-ko pasand nahi
اُسے ہو کیسے شعورِ غمِ بشر، جس کا
نَفَس گداز نہیں، جان درد مند نہیں
Use ho kaise shaoor-e-gham-e-bashar, jis ka
Nafas gudaaz nahi, jaan dard mand nahi
ہم اُس کے حلقہ بگوشوں میں ہیں، ہمارے لئے
زمین ہر کہ زماں، کوئی بھی کمند نہیں
Hum us ke halqa bagoshon mein hain, humare liye
Zameen har ke zamaan, koyee bhi kamand nahi
رَعُونتِ نَسَبی ہو کہ سیم و زر کا غُرور
رہِ نیاز میں کوئی بھی سُود مند نہیں
Raoonat-e-nasabi ho ke seem o zar ka ghooroor
Rah-e-niaz mein koyee bhi sood mand nahi
یہ اقتضائے محبت ہے ، اُس سے دُور رہیں
جو بات سیِّدُ لولاک کو پسند نہیں
Ye iqtezai mohabbat hai, us se door rahen
Jo baat Sayyidul Lolak ko pasand nahi
جہاں پہ خیر کے طائر قیام کرتے ہیں
ابھی وہ بامِ سعادت تہِ کمند نہیں
Jahaan pe khair ke taair qiyam karte hain
Abhi woh baam-e-saadat teh-e-kamand nahi
ہے اُن پہ آئنہ سب حال ، بِن کہے اپنا
لبوں پہ مُہر سہی، راہِ دل تو بند نہیں
Hai un pe aaina sab haal, bin kahe apna
Labon pe mohar sahi, rah-e-dil to band nahi
شہِؐ انام کے درسِ فروتنی کی قسم
نصیرؔ، بندہ عاجز ہے، خود پسند نہیں
Shah-e-Anam ﷺ ke dars-e-farotni ki qasam
Naseer, banda aajiz hai, khud pasand nahi
Share This Naat
Share with friends and family
درِ حضورؐ سے در کوئی بھی بلند نہیں
سید نصیرالدیں نصیر