زہد چمکا نہ عمل کوئی ہمارا چمکا
حشر میں عشقِ محمد کا حوالہ چمکا
Zuhd chamka na amal koi hamara chamka
Hashr mein ishq-e-Muhammad ka hawala chamka
جب عرب میں تھا ضلالت کا اندھیرا گھر گھر
اس اندھیرے میں مِرا گیسوؤں والا چمکا
Jab arab mein tha zalalat ka andhera ghar ghar
Is andhere mein mira gesuon wala chamka
جب تصور میں چلے آئے شہِ بحر و بر
چرخِ افکار پہ مدحت کا ستارا چمکا
Jab tasawwur mein chale aaye shah-e-behr o bar
Charkh-e-afkar pe madah ka sitara chamka
یا نبی آئیے بس اتنا کہا تھا میں نے
تیز طوفاں کے اشارے پہ کنارا چمکا
Ya Nabi aaiye bas itna kaha tha maine
Tez toofan ke ishaare pe kinara chamka
غار پر بُن کے شہِ دیں کی حفاظت کے لئے
مکڑیاں ہو گئیں مشہور تو جالا چمکا
Ghaar par bun ke shah-e-deen ki hifazat ke liye
Makrriyan ho gayin mashhoor to jala chamka
بجھ گئی شمعِ ستم ایسی چلی بادِ وفا
کربلا میں مِرے آقا کا گھرانا چمکا
Bujh gayi shama-e-sitam aisi chali baad-e-wafa
Karbala mein mire aaqa ka gharana chamka
مانگ لے پھر سے مدینے کی فضائیں اُن سے
پھر شفیقؔ اپنے مقدر کو دوبارا چمکا
Maang le phir se Madeene ki fazaen un se
Phir Shafiq apne muqaddar ko dobara chamka
Share This Naat
Share with friends and family
زہد چمکا نہ عمل کوئی ہمارا چمکا
شفیق ؔ رائے پوری