بُلائیں جب تمہیں شاہِ اُمَمؐ مدینے میں
جبینِ شوق ہو خم ،آنکھ نم مدینے میں
Bulayeh jab tumhein Shah-e-Umamؐ madine mein
Jabeen-e-shauq ho kham, aankh nam madine mein
ہو گفتگو میں سلیقہ ، زباں ہو شائستہ
درُودِ پاک رہے دَم بہ دَم مدینے میں
Ho guftagu mein saleeqa, zubaan ho shaista
Darood-e-paak rahe dam ba dam madine mein
قدم قدم پہ فرشتوں نے پَر بچھائے ہیں
ذرا سنبھال کے رکھنا قدم مدینے میں
Qadam qadam pe farishton ne par bichaaye hain
Zara sambhal ke rakhna qadam madine mein
تری طلب سے زیادہ تجھے نوازیں گے
اُمڈ رہے ہیں بحُورِ کرم مدینے میں
Teri talab se zyada tujhe nawazengay
Umd rahe hain bhahur-e-karam madine mein
زمیں پہ ٹکتے نہیں پاؤں ایک پل کے لیے
ستارے لگتے ہیں زیرِ قدم مدینے میں
Zameen pe tukte nahi paon aik pal ke liye
Sitare lagte hain zer-e-qadam madine mein
ہوائے طیبہء اطہر بھی کیمیا گر ہے
کہ سیم و زر ہوئی ریگِ عجم مدینے میں
Hawa-e-Taiba'e athar bhi keemiya gar hai
Ke seem o zar hui reg-e-ajam madine mein
تھکا نہ پائی مسافت ہمیں مدینے کی
سفر کے بعد ہوئے تازہ دَم مدینے میں
Thaka na paayi musafat humein madine ki
Safar ke baad huye tazda dam madine mein
Share This Naat
Share with friends and family
بُلائیں جب تمہیں شاہِ اُمَمؐ مدینے میں
اشفاق احمد غوری