مرتبہ اعلی ہے کتنا احمدِ مختار کا
با ادب بوسہ لیا ہے عرش نے پیزار کا
Murtaba aala hai kitna Ahmed-e-Mukhtar ka
Ba adab bosa liya hai arsh ne pezar ka
مظہرِ حق، نورِ اوّل، افضل و اعلیٰ وہی
کوئی ثانی ہے نہ سایہ سیّدِ ابرار کا
Mazhar-e-Haq, noor-e-awwal, afzal o aala wahi
Koi sani hai na saya Sayyed-e-abrar ka
چہرۂ والشمس یہ قربان سورج ہے اگر
چاند صدقہ لے رہا ہے آپ کے رخسار کا
Chehra-e-wash-shams yeh qurban sooraj hai agar
Chaand sadqa le raha hai aap ke rukhsar ka
وہ شبِ معراج اک پل میں گئے ہیں لامکاں
کون اندازہ لگا پائے گا اس رفتار کا
Woh shab-e-Miraaj ek pal mein gaye hain la-makaan
Kaun andaza laga paaye ga is raftar ka
کشتہء عشقِ نبی ہوں مجھ کو طیبہ لے چلو
لے نہیں سکتا میں احساں مرہمِ زنگار کا
Kushta e ishq-e-nabi hoon mujh ko Tayyaba le chalo
Le nahin sakta main ehsaan marham-e-zangaar ka
مصطفیٰ کے جانثاروں کی شجاعت دیکھیے
کام ہاتھوں سے لیا ہے جنگ میں تلوار کا
Mustafa ke jaanisaaron ki shujaat dekhiye
Kaam haathon se liya hai jang mein talwaar ka
مصطفیٰ کے نام کا پڑھ کر وظیفہ ہر گھڑی
بندۂ احمدؔ ہے طالب رحمتِ غفّار کا
Mustafa ke naam ka parh kar wazifa har ghari
Banda-e-Ahmedؔ hai taalib rehmat-e-ghaffar ka
Share This Naat
Share with friends and family
مرتبہ اعلی ہے کتنا احمدِ مختار کا
مولانا طفیل احمد مصباحی