بادشاہانِ جہاں کی رونقِ سرکار ہیچ
پیشِ دہلیزِ پیمبر ہیں سبھی دربار ہیچ
Badshahan-e-jahan ki ronq-e-sarkar hech
Pesh-e-dehleez-e-paighambar hain sabhi darbar hech
گلشنِ طیبہ کے ہیں وہ پھول جن کے سامنے
باغِ ایمن کے حسیں گلہائے لالہ زار ہیچ
Gulshan-e-taiba ke hain wo phool jin ke samne
Bagh-e-aiman ke haseen gullahaye lala zar hech
اللہ اللہ وہ جمالِ روئے پاکِ مصطفیٰؐ
جس کے آگے ماہتابِ شب کا ہے رخسار ہیچ
Allah Allah wo jamal-e-ru-e-paak-e-Mustafaؐ
Jis ke aage mahtab-e-shab ka hai rukhsar hech
کیوں نہ ہوں شیدائے طیبہ ہم غلامانِ نبیؐ
باغِ طیبہ کے ہے آگے خلد کا گلزار ہیچ
Kyun na hon shedaye taiba hum ghulaman-e-nabiؐ
Bagh-e-taiba ke hai aage khuld ka gulzar hech
کیا بتاؤں رونقِ بازارِ شہرِ شاہِ دیں
سامنے جس کے ہر اک دنیا کا ہے بازار ہیچ
Kya bata'on ronq-e-bazar-e-shehar-e-shah-e-deen
Samne jis ke har ek duniya ka hai bazar hech
آگئی وہ بے بہا دولت تری آغوش میں
اے حلیمہ جس کے آگے ہے زرِ زردار ہیچ
Aa gayi wo be baha daulat teri aaghush mein
Ae Haleema jis ke aage hai zar-e-zardar hech
ہو گئے منسوب جو ذرے رسولِ پاکؐ سے
سامنے ان کے ہیں ماہ و انجمِ ضوبار ہیچ
Ho gaye mansoob jo zarrey Rasool-e-paakؐ se
Samne un ke hain mah o anjum-e-zobar hech
مل گئی جس کو گدائی کوچۂ سرکار کی
اس گدا کے سامنے ہے قسمتِ زردار ہیچ
Mil gayi jis ko gadaai koocha-e-sarkar ki
Us gada ke samne hai qismat-e-zardar hech
حمدِ رب مدحِ نبیؐ پر کیوں نہ ہو احسنؔ کو ناز
سامنے اس فکر کے ہیں دوسرے افکار ہیچ
Hamd-e-Rab madh-e-nabiؐ par kyun na ho Ahsanؔ ko naaz
Samne us fikr ke hain doosre afkar hech
Share This Naat
Share with friends and family
بادشاہانِ جہاں کی رونقِ سرکار ہیچ
احسن اعظمی