نئیں کوئی اوقات اوگنہار دی
جیہو جئی وی ہاں میں ہاں سرکار دی
Naeen koi auqaat ogunhaar di
Jeho jee wi haan main haan sarkaar di
کیوں پھراں میں منگتیاں توں منگدی
میں تے منگتی ہاں خدا دے یار دی
Kyu phiraan main mangtiyaan ton mangdi
Main te mangti haan khuda de yaar di
اللہ دی سونہہ سانوں کوئی بھکھ نئیں
بھکھ ہے تے ہے تیرے دیدار دی
Allah di sohna saanun koi bhukh naee
Bhukh ae te ae tere deedaar di
اونہاں نوں چنگی نئیں لگدی کوئی شے
جھلک دیکھی اے جنہاں سرکار دی
Onhaan nu changi naee lagdi koi shay
Jhalak dekhi ae jinhan sarkaar di
کوئی سُن کے خوش نئیں ہندا نہ ہووے
گل کرنی ایں اساں تے یار دی
Koi sun ke khush naee honda na howe
Gal karni ae asaan te yaar di
مہرباناں سوہنیاں من موہنیاں
دیکھ جا حالت کدے بیمار دی
Mehrbaanan sohnian man mohnian
Dekh jaa haalat kaday beemaar di
اوناں جاناں رئے ترے دربار تے
جھوک وسدی رئے مٹھے من ٹھار دی
Onaan jaanan rahe tere darbaar te
Jhok vasdi rahe mithay man thaar di
اوہنوں نئیں اوندی کسے شے دی کمی
جو روئے تن من نبی توں وار دی
Ohnu naee aundi kise shay di kami
Jo royay tan man nabi ton waar di
جو ملی عزت نیازی جگ تے
مہربانی ہے ایہہ سب سرکار دی
Jo milee izzat niazi jag te
Mehrbani ae eh sab sarkaar di
Share This Naat
Share with friends and family
نئیں کوئی اوقات اوگنہار دی
عبدالستار نیازی