اِک ترے نام کا اِرقام رسول عربی
سب بناتا ہے مِرے کام رسول عربی
Ik tere naam ka Irqam Rasool Arabi
Sab banata hai mire kaam Rasool Arabi
مُلک ہے آپ کا مادام رسول عربی
حسن ہے بندۂِ بے دام رسول عربی
Mulk hai aap ka madam Rasool Arabi
Husn hai bandah e be daam Rasool Arabi
اللہ اللہ ترے حرفِ یقیں بخش کا نور
مٹ گئی ظلمتِ اوہام رسول عربی
Allah Allah tere harf e yaqeen bakhsh ka noor
Mit gayi zulmat e auhaam Rasool Arabi
حرمِ قربِ خدا کو چلے ،ہم باندھے ہوئے
تیری تمدیح کا احرام رسول عربی
Haram e qurb e Khuda ko chale, hum baandhe hue
Teri tamdeeh ka ahraam Rasool Arabi
سبز خورشید کے محتاج رہیں گے دائم
سارے افلاک کے اجرام رسول عربی
Sabz khursheed ke mohtaaj rahenge daa'im
Saare aflak ke ajraam Rasool Arabi
جانتے ہیں ہیں ترے خادم بھی بہ اِذنِ خالق
کیا ہے در پردۂِ اَرحام رسول عربی !
Jaante hain tere khadim bhi bih izn e Khaaliq
Kiya hai dar pardah e arhaam Rasool Arabi !
ہیں الف ، میم ترے قدّ و دہن کے شارِح
اور گیسو کا بیاں " لام " رسول عربی
Hain alif, meem tere qad-o-dahan ke shaarih
Aur gaisu ka bayaan "laam" Rasool Arabi
پہلے کرتا ہوں زباں پاک بہ ذکرِ خالق
پھر میں لیتا ہوں ترا نام رسول عربی
Pehle karta hoon zubaan paak bah zikr e Khaaliq
Phir main leta hoon tera naam Rasool Arabi
نعت تیری ہے شہا خازنِ جملہ اعزاز
نام ہے قاسمِ اکرام رسول عربی
Naat teri hai shahaa khazin e jumla a'izaaz
Naam hai qasim e ikraam Rasool Arabi
تو جو چاہے تو یہی گفتۂِ کامل بن جائے
عجمی حرف جو ہے خام رسول عربی
Tu jo chahe to yehi guftah e kaamil ban jaaye
Ajami harf jo hai khaam Rasool Arabi
خاص کر سکتی ہے توصیف تمہاری،چاہے
ہو معظمؔ سا کوئی عام رسول عربی
Khaas kar sakti hai tauseef tumhari, chaahe
Ho Mu'azzam sa koi a'am Rasool Arabi
Share This Naat
Share with friends and family
اِک ترے نام کا اِرقام رسول عربی
معظم سدا معظم مدنی