مرا کل بھی تیرے ہی نام تھا مرا کل بھی تیرے ہی نام ہو
مرے لب پہ کل بھی درود تھا مرے لب پہ کل بھی سلام ہو
Mera kal bhi tere hi naam tha mera kal bhi tere hi naam ho
Mere lab pe kal bhi durood tha mere lab pe kal bhi salam ho
ترا نام راحتِ جان تھا ترا نام راحتِ جاں رہے
مری زندگی کا ورق ورق ترے نام پر ہی تمام ہو
Tera naam raahat-e-jaan tha tera naam raahat-e-jaan rahe
Meri zindagi ka waraq waraq tere naam par hi tamam ho
ترا ذکر و فکر ہی یا نبی رہے میرا حاصلِ زندگی
ترا ذکر ہی مری صبح ہو، ترا ذکر ہی مری شام ہو
Tera zikr o fikr hi ya nabi rahe mera haasil-e-zindagi
Tera zikr hi meri subah ho, tera zikr hi meri shaam ho
مری خواہشیں مری کاوشیں مری حسرتیں مری یافتیں
ترے نام ہی سے جڑی رہیں مجھے اور کوئی نہ کام ہو
Meri khwahishein meri koshishein meri hasratein meri yaften
Tere naam hi se juri rahein mujhe aur koi na kaam ho
ترا نام فکرو نظر رہے مجھے اور کچھ نہ خبر رہے
ترا نام حرف و بیان ہو، ترا نام نطق و کلام ہو
Tera naam fikro nazar rahe mujhe aur kuch na khabar rahe
Tera naam harf o bayan ho, tera naam nutq o kalaam ho
تری یاد سے مری جاں میں جاں تری یاد سے مرے دم میں دم
ہو بدن سے روح یہ جب جدا تو مدینہ اُس کا مرام ہو
Teri yaad se meri jaan mein jaan teri yaad se mere dam mein dam
Ho badan se rooh ye jab juda to Madina us ka maraam ho
تری چاکری میں ہو عمر بھر یہ ترا فقیر ترا ظفر
مرا بیٹا بھی تو مرے کریم غلام ابنِ غلام ہو
Teri chaakari mein ho umr bhar ye tera faqeer tera Zafar
Mera beta bhi to mere Kareem ghulam ibn-e-ghulam ho
Share This Naat
Share with friends and family
مرا کل بھی تیرے ہی نام تھا
محمد ظفراقبال نوری