روز محشر سایہ گستر ہے جودامان رسولﷺ
تاب دوزخ سے ہیں بے پروا غلامان رسولﷺ
Roz e mahshar saayah gastar hai jo daaman e Rasool ﷺ
Taab e dozakh se hain be parwa ghulaman e Rasool ﷺ
نور سے ایمان خالص کے منور تھا جہاں
اب کہاں سے آئے وہ عہد درخشان رسولﷺ
Noor se imaan khalis ke munawwar tha jahaan
Ab kahan se aaye wo ehed e darakhshan e Rasool ﷺ
صوم دائم سے بڑھی عزت قیام لیل کی
شب کو مہمان خدا ہیں دن کو مہمان رسولﷺ
Soum daaim se barhi izzat qiyam e lail ki
Shab ko mehman e Khuda hain din ko mehman e Rasool ﷺ
رہنمائے گمرہان و سر گردہ مقبلاں
عاشق و معشوق یزداں جان و جانان رسولﷺ
Rehnama e gumrahan o sargardah maqbulan
Aashiq o mashooq e Yazdaan jan o janan e Rasool ﷺ
مقتدائے سالکان و مخزن اسرار حق
پادشاہ عاشقاں و گنج عرفان رسولﷺ
Muqtada e saalikan o makhzan e asrar e Haq
Padshah aashiqan o ganj e irfaan e Rasool ﷺ
نور چشم فاطمہ مہر درخشاں علی
غوث الاعظم شاہ جیلاں ، ماہ تاباں رسولﷺ
Noor e chashm e Fatima mehr e darakhshan Ali
Ghaus-ul-Azam Shah Jilan, maah taban e Rasool ﷺ
حسرت محروم ہے امیدوار التفات
اس طرف بھی اک نظر اے میر سامان رسولﷺ
Hasrat e mehroom hai ummeedwar e iltefaat
Is taraf bhi ik nazar aye meer-e-samaan e Rasool ﷺ
Share This Naat
Share with friends and family
روز محشر سایہ گستر ہے جودامان رسولﷺ
مولانا حسرت موہانی