جد طیبہ دے نُوری جلوے وچ خیال کھلو جاندے نے
نعتاں دے مضمون ہزاراں آپے نازل ہو جاندے نے
Jad Tayyaba de noori jalo wech khayal khulo jande ne
Nataan de mazmoon hazara ape nazil ho jande ne
میں طیبہ دی یاد توں صدقے اوہدے بخشے ہوئے اتھرو
سُکدے سُکدے وی عیباں دے کالے دفتر دھو جاندے نے
Mein Tayyaba di yaad to sadqe ohde bakshe hoe athroo
Sukde sukde wi aybaan de kale daftar dho jande ne
سیر کرن معراج دی راتیں عرشاں ول جد چلے آقا
دُنیا دی ہستی دی بستی دے سب بوہے ڈھو جاندے نے
Sair karan Mairaj di raatin arshaan wal jad chale Aaqa
Duniya di hasti di basti de sab bohe dho jande ne
آئے جو معراج دی راتیں تارے آپ دے پیراں تھلے
ہن تیکر اوہ چن نوں بہتی رات نوں کر دے لو جاندے نے
Aae jo Mairaj di raatin tare aap de pairaan thalle
Hun tekir oh chaand nu bahti raat nu kar de lo jande ne
بھانڈے بھر بھر مک جاندے نے پر نہیں دُودھ تھناں چوں مُکدا
اک واری جس پھنڈر بکری تائیں آقا چو جاندے نے
Bhaande bhar bhar muk jande ne par nahin doodh thanaan cho mukda
Ek wari jis phandar bakri taaain Aaqa cho jande ne
مکھ جدھروں پرتاوے سوہنا رب وی رُخ پرتاوے صائم
جدھر رُخ ہو جاوے اوہدا اودھر دو جگ ہو جاندے نے
Mukh jad'ron partawe sohna Rab wi rukh partawe Sa'im
Jidhar rukh ho jaave ohda udhar do jug ho jande ne
Share This Naat
Share with friends and family
جد طیبہ دے نُوری جلوے وچ خیال کھلو جاندے نے
علامہ صائم چشتی