جب دعا میں روغنِ نامِ نبی ڈالا گیا
تب کہیں جا کر ہوا روشن اجابت کا چراغ
Jab dua mein roghan-e-naam-e-Nabi dala gaya
Tab kahin ja kar hua roshan ijabat ka charagh
قبر میں لے جائیں گے عشقِ رسالت کا چراغ
روشنی برسائے گا اُن کی محبت کا چراغ
Qabr mein le jaen ge ishq-e-risalat ka charagh
RoshnI barsae ga un ki mohabbat ka charagh
ظلمتیں پھیلا رہا تھا جب جہالت کا چراغ
آئے لے کر مصطفےٰ رشد و ہدایت کا چراغ
Zulmatein phaila raha tha jab jahalat ka charagh
Aaye lekar Mustafa rushd o hidayat ka charagh
اللہ اللہ مالکِ کونین کا گھر دیکھیے
ہے منور جو کی روٹی پر قناعت کا چراغ
Allah Allah malik-e-kainat ka ghar dekhiye
Hai manawar jo ki roti par qana'at ka charagh
ظلمتیں اعمال کے دفتر کی سب چھٹ جائینگی
حشر میں جب ضو فشاں ہوگا شفاعت کا چراغ
Zulmatein a'amaal ke daftar ki sab chhut jayeingi
Hashr mein jab zow flashan hoga shafaat ka charagh
حضرتِ جبریل نے بھی تو نہیں دیکھا کہیں
جیسے روشن ہے مِرے آقا کی صورت کا چراغ
Hazrat-e-Jibrail ne bhi to nahi dekha kahin
Jaise roshan hai mere aaqa ki surat ka charagh
جب دعا میں روغنِ نامِ نبی ڈالا گیا
تب کہیں جا کر ہوا روشن اجابت کا چراغ
Jab dua mein roghan-e-naam-e-Nabi dala gaya
Tab kahin ja kar hua roshan ijabat ka charagh
گمرہی کی ظلمتوں میں ٹھوکریں ممکن نہیں
ہے مِرے ہمراہ شاہِ دیں کی سیرت کا چراغ
Gumrahi ki zulmatoon mein thokrein mumkin nahi
Hai mere humrah Shah-e-Deen ki seerat ka charagh
ہے ازل سے تا ابد اس کے ہی جلووں کی بہار
اول و آخر ہے آقا کی نبوت کا چراغ
Hai azal se ta abad us ke hi jalwon ki bahar
Awwal o Aakhir hai aaqa ki nabuwwat ka charagh
خوفِ محشر کا اندھیرا دور کرنے کے لیے
دل میں روشن کیجئے ان کی محبت کا چراغ
Khauf-e-mahshar ka andhera dour karne ke liye
Dil mein roshan kijiye un ki mohabbat ka charagh
گنبدِ خضرا کے سائے میں کٹے عمرِ تمام
کاش ہوجائے فروزاں میری قسمت کا چراغ
Gunbad-e-Khazra ke saaye mein katay umar-e-tamam
Kash ho jaaye farozan meri qismat ka charagh
نعت میں مشکل مضامین آپنے باندھے شفیقؔ
شکر ہے گُل ہو نہیں پایا سلاست کا چراغ
Naat mein mushkil mazaameen aapne bandhe Shafiq
Shukar hai gul ho nahi paya salahat ka charagh
Share This Naat
Share with friends and family
جب دعا میں روغنِ نامِ نبی ڈالا گیا
شفیق ؔ رائے پوری