بعدِ خدا بزرگ ہے عالم میں جس کی ذات
ایسا پیمبروں کا پیمبر ملا مجھے
Ba'de Khuda Buzurg Hai Aalam Mein Jis Ki Zaat
Aisa Paimbaron Ka Paimbar Mila Mujhe
مختارِ کائنات کی چوکھٹ پہ بے گماں
جود و سخا و فیض کا ساگر ملا مجھے
Mukhtar-e-Kainat Ki Chokhat Pe Be Gumaan
Jood o Sakha o Faiz Ka Sagar Mila Mujhe
دل کے مکاں میں کیوں نہ اجالا ہو چار سو
طیبہ کا جب کہ ماہِ منوّر ملا مجھے
Dil Ke Makaan Mein Kyun Na Ujaala Ho Chaar Su
Taiba Ka Jab Ke Maah-e-Manawar Mila Mujhe
نازاں ہوں اپنی خوبیِ قسمت پہ دم بدم
کون و مکاں کا مالک و سرور ملا مجھے
Naazaan Hoon Apni Khoobi-e-Qismat Pe Dam Ba Dam
Kown o Makaan Ka Maalik o Sarwar Mila Mujhe
ہے جس کی یاوری کا یہ محتاج کل جہاں
فضلِ خدا سے ایسا ہی یاور ملا مجھے
Hai Jis Ki Yawari Ka Yeh Mohtaaj Kal Jahaan
Fazl-e-Khuda Se Aisa Hi Yawar Mila Mujhe
جچتے نہیں نگاہ میں خورشید، مہر و ماہ
طیبہ کا جب سے خاور و اختر ملا مجھے
Jachte Nahi Nigaah Mein Khursheed, Mehr o Maah
Taiba Ka Jab Se Khawar o Akhtar Mila Mujhe
دیکھا ہے جس نے گنبدِ خضریٰ کو بار بار
قسمت کا اپنی وہ تو سکندر ملا مجھے
Dekha Hai Jis Ne Gunbad-e-Khazra Ko Baar Baar
Qismat Ka Apni Woh To Sikandar Mila Mujhe
ہے جس کے سر پر تاجِ فضیلت سجا ہوا
رکھنے کو اس کے روضے پہ یہ سر ملا مجھے
Hai Jis Ke Sar Par Taaj-e-Fazeelat Saja Hua
Rakhne Ko Us Ke Roze Pe Yeh Sar Mila Mujhe
خاک درِ نبی کی طرح جس میں ہو مہک
دنیا میں ایسا مشک، نہ عنبر ملا مجھے
Khaak Dar-e-Nabi Ki Tarah Jis Mein Ho Mehak
Duniya Mein Aisa Mushk, Na Anbar Mila Mujhe
قسمت پہ اپنی ناز کروں کیوں نہ میں طفیلؔ
مرشد ملا تو فاضلِ ازہر ملا مجھے
Qismat Pe Apni Naaz Karun Kyun Na Mein Tufail
Murshid Mila To Faazil-e-Azhar Mila Mujhe
Share This Naat
Share with friends and family
بعدِ خدا بزرگ ہے عالم میں جس کی ذات
مولانا طفیل احمد مصباحی