بخطِّ نور اس دَر پر لکھا ہے

بخطِّ نور اس دَر پر لکھا ہے یہ بابِ رحمتِ رَبِّ عُلا ہے

Bakhti Noor us dar par likha hai Yeh bab e rahmat e rab e ula hai

سرِ خیرہ جو اب دَر پر جھکا ہے ادا ہے عمر بھر کی جو قضا ہے

Sar e kheera jo ab dar par jhuka hai Ada hai umr bhar ki jo qaza hai

مقابل دَر کے یوں کعبہ بنا ہے یہ قبلہ ہے تو ُتو قبلہ نما ہے

Muqabil dar ke yun ka'ba bana hai Yeh qibla hai to tu qibla numa hai

درِ والا پہ اِک میلا لگا ہے عجب اس دَر کے ٹکڑوں میں مزا ہے

Dar e wala pe ik mela laga hai Ajab is dar ke tukron mein maza hai

یہاں سے کب کوئی خالی پھرا ہے سخی داتا کی یہ دولت َسرا ہے

Yahan se kab koi khali phira hai Sakhi data ki yeh daulat sara hai

گدا تو ہے گدا جو بادشا ہے اسے بھی تو اسی دَر سے ملا ہے

Gada to hai gada jo badsha hai Usay bhi to isi dar se milla hai

جسے جو کچھ ملا جس سے ملا ہے حقیقت میں وہ اس دَر کی عطا ہے

Jisay jo kuch mila jis se mila hai Haqeeqat mein wo us dar ki ata hai

اسی سرکار کا منگتا ہے عالم گدا اس دَر کا ہر شاہ و گدا ہے

Isi sarkar ka mangta hai aalam Gada is dar ka har shah o gada hai

یہاں سے بھیک پاتے ہیں سلاطیں اسی دَر سے انہیں ٹکڑا ملا ہے

Yahan se bheek paate hain salateen Isi dar se unhein tukra milla hai

اسی دَر سے پلے گا پل رہا ہے اسی گھر سے زمانہ پل چکا ہے

Isi dar se pale ga pal raha hai Isi ghar se zamana pal chuka hai

شب معراج سے ظاہر ہوا ہے رُسل ہیں مقتدی تو مقتدا ہے

Shab e miraj se zahir huwa hai Rusal hain muqtadi to muqtada hai

خدائی کو خدا نے جو دیا ہے اسی گھر سے اسی دَر سے ملا ہے

Khudai ko khuda ne jo diya hai Isi ghar se isi dar se milla hai

خدائے پاک تو گھر دَر سے ہے پاک مگر یہ دَر درِ پاکِ خدا ہے

Khuda e pak to ghar dar se hai pak Magar yeh dar dar e pak e khuda hai

یہاں وہ باخدا ہے جلوہ فرما جو کشتی کا جہاں کی ناخدا ہے

Yahan wo bakhuda hai jalwa farma Jo kashti ka jahan ki nakhuda hai

شہِ عرش آستاں اللہ اللہ تصوّر سے خدا یاد آرہا ہے

Sheh e Arsh astan Allah Allah Tasawwur se khuda yaad araha hai

یہ وہ محبوبِ حق ہے جس کی رُویت یقیں مانو کہ دیدارِ خدا ہے

Yeh wo mehboob e haq hai jis ki rūyat Yaqeen mano ke deedar e khuda hai

یَدُ اللہ جس کا د ستِ پاک ٹھہرا وہ بیعت جس کی بیعت باخدا ہے

Yad Allah jis ka dast e pak thehra Wo bai'at jis ki bai'at ba khuda hai

رَمی جس کی رَمی ٹھہری خدا کی کتاب اللہ میں اَللّٰہ رَمٰی ہے

Rami jis ki rami thehri khuda ki Kitab Allah mein Allah rama hai

قسم قرآں میں جس کی رہ گزر کی خدا نے یاد کی کیا مرتبہ ہے

Qasam Qur'an mein jis ki rah guzar ki Khuda ne yaad ki kya martaba hai

وہی مطلوب جس کا ہر ہر اَنداز وہی محبوب جس کی ہر ادا ہے

Wahi matloob jis ka har har andaaz Wahi mehboob jis ki har ada hai

ہوا سے پاک جس کی ذاتِ قدسی وہ جس کی بات بھی وَحیِ خدا ہے

Hawa se pak jis ki zaat e qudsi Wo jis ki baat bhi wahi e khuda hai

نہیں کہتے ہوائے نفس سے کچھ جو فرمائیں وہی وَحیِ خدا ہے

Nahi kehte hawa e nafs se kuch Jo farmayen wohi wahi e khuda hai

چمک سے جن کی روشن ہیں دو عالم مہک سے جس کی ہر بستاں بسا ہے

Chamak se jin ki roshan hain do aalam Mehak se jis ki har bastan basa hai

وہ جلوہ جس سے حق ہے آشکارا وہ صورت جو جمالِ حق نما ہے

Wo jalwa jis se haq hai aashkara Wo surat jo jamal e haq numa hai

وہ یکتا آئینہ ذاتِ اَحد کا وہ مرآتِ صفاتِ کبریا ہے

Wo yakta aaeena zaat e ahad ka Wo miraat e sifat e kabriya hai

وہ پیارا جس پہ رب ہے ایسا پیارا کہ اس کے پیارے پر پیارا خدا ہے

Wo pyara jis pe rab hai aisa pyara Ke us ke pyare par pyara khuda hai

وہ جس کا شہر بھی ہے ایسا پیارا جہاں کی رات دن سے بھی سوا ہے

Wo jis ka sheher bhi hai aisa pyara Jahan ki raat din se bhi sawa hai

جہاں ہے بے ٹھکانوں کا ٹھکانہ جہاں شاہ و گدا سب کا ٹھیا ہے

Jahan hai beh thikanon ka thikana Jahan shah o gada sab ka t'hiya hai

دوا دُکھ دَرد کی ہے خاک جس کی مَعاصی کا جہاں دارُالشفا ہے

Dawa dukh dard ki hai khaak jis ki M'asi ka jahan darul shifa hai

کرم فرمائیے اے سروَرِ دِیں جہاں منگتوں کی پیہم یہ صدا ہے

Karam farmaaye ae sarwar e deen Jahan mangton ki paiham ye sada hai

خزانے اپنے دے کے تم کو حق نے نہ قاسم ہی کہ مالک کردیا ہے

Khazane apne de ke tum ko haq ne Na qasim hi keh malak kardiya hai

جسے جو چاہو جتنا چاہو دو تم تمہیں مختارِ ُکل فرما دیا ہے

Jisay jo chaho jitna chaho do tum Tumhe mukhtar e kul farma diya hai

دو عالم بھیک لیتے ہیں یہاں سے جو جس کے پاس ہے تیرا دیا ہے

Do aalam bheek lete hain yahan se Jo jis ke paas hai tera diya hai Na maangen tum se hum to kis se maangen Hain sab dar band bas yeh dar khula hai

نہ مانگیں تم سے ہم تو کس سے مانگیں ہیں سب دَر بند بس یہ دَر ُکھلا ہے

Main dar dar kyun phiru dur dur sunu kyun Mere sarwar mera kya sir phira hai

میں دَر دَر کیوں پھروں دُردُر سنوں کیوں مرے سروَر مرا کیا سر پھرا ہے

Ata farmate ho be maange sab kuch Yeh mangta tum se tum ko mangta hai

عطا فرماتے ہو بے مانگے سب کچھ یہ منگتا تم سے تم کو مانگتا ہے

Tumhara milna milna hai khuda ka Khuda mill jaaye to phir kya raha hai

تمہارا ملنا ملنا ہے خدا کا خدا مل جائے تو پھر کیا رہا ہے

Ata farmaaye apne karam se Mere maula jo dil ka mudda hai

عطا فرمائیے اپنے کرم سے مرے مولیٰ جو دل کا مُدَّعا ہے

Yeh sarwar e faiz aasaar hai wo Jahan se faiz ka darya baha hai

یہی سرکارِ فیض آثار ہے وہ جہاں سے فیض کا دریا بہا ہے

Yahin se paate hain sab apne matlub Har ik ke wastay yeh dar khula hai

یہیں سے پاتے ہیں سب اپنے مطلب ہر اِک کے واسطے یہ در ُکھلا ہے

Ba har lehza ba har sa'at ba har dam Dar e sarkar e faiz aasaar wa hai

بہ ہر لحظہ بہ ہر ساعت بہ ہر دم دَرِ سرکارِ فیض آثار وا ہے

Nahi taqseem mein tafreeq kuch bhi Ke dushman bhi yahi ka keh raha hai

نہیں تقسیم میں تفریق کچھ بھی کہ دشمن بھی یہیں کا کہہ رہا ہے

Yeh wo dar hai huwa hai wo bhi haazir Jo is sarkar ka dushman chhupa hai

یہ وہ در ہے ہوا ہے وہ بھی حاضر جو اس سرکار کا دشمن چھپا ہے

Salam e rurastaa'i be gharaz nist Wo kya ta'zeem ko haazir huwa hai

سلامِ رُوستائی بے غرض نیست وہ کیا تعظیم کو حاضر ہوا ہے

Aqeeday mein to is ke shirk hai yeh Dikhane ko taqiyya kar liya hai

عقیدے میں تو اس کے شرک ہے یہ دِکھانے کو تَقِیَّہ کرلیا ہے

Jala imaan se hoti hai dil par Wo andha sheesha hai jo be jala hai

جلا اِیمان سے ہوتی ہے دل پر وہ اَندھا شیشہ ہے جو بے جلا ہے

Nahi sheesha nahi wo dil to jis par Khuda ne khatam farma di tuwa hai

نہیں شیشہ نہیں وہ دل تو جس پر خدا نے ختم فرما دی توا ہے

Na thehre matr e haq ki boond jis par Lahabi kya hai ik chhakna ghara hai

نہ ٹھہرے مَطرِ حق کی بوند جس پر لہابی کیا ہے اِک چکنا گھڑا ہے

Bahot bud farqe paida ho chuke hain Sabhi ne ik naya mazhab ghara hai

بہت بد فرقے پیدا ہوچکے ہیں سبھی نے اِک نیا مذہب گڑھا ہے

Jo mazhab ahl e sunat ke ilawa Bana hai wo jahannum ka ghara hai

جو مذہب اَہلِ سنت کے علاوہ بنا ہے وہ جہنم کا گڑھا ہے

Jamaat par yad e rahmat hai haq ka Juda farqa jahannum mein gira hai

جماعت پر یدِ رحمت ہے حق کا جدا فرقہ جہنم میں گرا ہے

Hai in mein ek farqa sab se batar Jisay shirk az umoor aamma hai

ہے ان میں ایک فرقہ سب سے بدتر جسے شرک اَز اُمورِ عامَّہ ہے

Nahi jis se koi maujood khaali Koi bhi is ki zad se bach saka hai

نہیں جس سے کوئی موجود خالی کوئی بھی اس کی زَد سے بچ سکا ہے

Har ik is shirk se thehra jo mushrik Jo hai ya hoga ya aage huwa hai

ہر اک اس شرک سے ٹھہرا جو ُمشرک جو ہے یا ہوگا یا آگے ہوا ہے

Sahaba khud nabi balke khud Allah Sabhi par hukum shirk is ne jura hai

صحابہ خود نبی بلکہ خود اللہ سبھی پر حکم شرک اس نے جڑا ہے

Jisay bid'at ki lat itni pari hai Ke sunat ko bhi bid'at bolta hai

جسے بدعت کی لت اتنی پڑی ہے کہ سنت کو بھی بدعت بولتا ہے

May e bid'at se hai sarsar aesa Ke sab kuch us ko bid'at soojhta hai

مئے بدعت سے ہے سرشار ایسا کہ سب کچھ اس کو بدعت سوجھتا ہے

Thi itni taand may jis ke nashe mein Ke khud apne hi ko bhoola huwa hai

تھی اتنی تند مئے جس کے نشے میں کہ خود اپنے ہی کو بھولا ہوا ہے

Yeh khud hai bidati mushrik yaqeenan Magar Sunni ko bid'ee jaanta hai

یہ خود ہے بدعتی مشرک یقینا مگر ُسنی کو بدعی جانتا ہے

Hain is ke shirk o bid'at aehl e gahele Saraapa jin mein khud dooba huwa hai

ہیں اس کے شرک و بدعت اہلے گہلے سراپا جن میں خود ڈوبا ہوا ہے

Yeh aesa is ka hukum e shirk o bid'at Use sawan ke andhe ka hara hai

یہ ایسا اس کا حکمِ شرک و بدعت اسے ساوَن کے اندھے کا ہرا ہے

Hai Sunni aeena us ne jo dekha Nazar apna hi chehra agaya hai

ہے سنی آئینہ اس نے جو دیکھا نظر اپنا ہی چہرہ آگیا ہے

Use mani abtada tu rah gaya yaad Magar man sanna yeh bhoola huwa hai

اسے مَنِ ا بْتَدَعَ تو رہ گیا یاد مگر مَنْ سَنَّ یہ بھولا ہوا ہے

Khud apne fatuwo se hai aap mushrik Na bas mushrik hi yeh mushrik janna hai

خود اپنے فتوؤں سے ہے آپ مشرک نہ بس مشرک ہی یہ مشرک جنا ہے

Nahi hai baap hi mushrik ke jad bhi Aur us ka jad jahan tak silsila hai

نہیں ہے باپ ہی مشرک کہ جد بھی اور اس کا جد جہاں تک سلسلہ ہے

Khuli tanqiseen mehboobaan e haq ki Yeh farqa bar ma la karta raha hai

کھلی تَنْقِیصیں محبوبانِ حق کی یہ فرقہ برمَلا کرتا رہا ہے

Khuli teheen ki hai khud khuda ki Ke is ko kazab par qadir kaha hai

کھلی توہین کی ہے خود خدا کی کہ اس کو کذب پر قادِر کہا ہے

Na mumkin hi kaha balke yahan tak Barha hai yeh ke waqia keh gaya hai

نہ ممکن ہی کہا بلکہ یہاں تک بڑھا ہے یہ کہ واقع کہہ گیا ہے

Na bas ik kazab par hi is ne bas ki Ke jahl o zulm o sarqa bhi kaha hai

نہ بس اِک کذب پر ہی اس نے بس کی کہ جہل و ظلم و َسرقہ بھی کہا ہے

Tumhein haq ne diye hain wo faza'il Ke shirqat in mein hona nar hwa hai

تمہیں حق نے دئے ہیں وہ فضائل کہ شرکت ان میں ہونا نارَوا ہے

Mumaasil ho nahi sakta tumhara Tumhein wo fazal e kul rab ne diya hai

مماثل ہو نہیں سکتا تمہارا تمہیں وہ فضلِ ُکل رب نے دیا ہے

Tumhari be misaali is se zahir Ke mehboob e khuda tumko kiya hai

تمہاری بے مثالی اس سے ظاہر کہ محبوبِ خدا تم کو کیا ہے

Muhib kya chahta hai misal e mehboob Muhib to be misaali chahta hai

محب کیا چاہتا ہے مثلِ محبوب محب تو بے مثالی چاہتا ہے

Magar yeh farqa mehboob e khuda ke Karoron misal mumkin maanta hai

مگر یہ فرقہ محبوبِ خدا کے کروروں مثل ممکن مانتا ہے

Na mumkin hi ke chhah misal waqia Kaha karta kutub mein chapta hai

نہ ممکن ہی کہ چھ مثل واقع کہا کرتا کتب میں چھاپتا ہے

Yunhi khatam e nabuwat ka hai maani' Shifaat se bhi munkir hogaya hai

یونہی ختم نبوت کا ہے مانع شفاعت سے بھی منکر ہوگیا ہے

Muslamaanon ke dar se lafz maane Magar ma'ne ka maani bar ma la hai

مسلمانوں کے ڈر سے لفظ مانے مگر معنٰے کا مانع برملا ہے

Jo ma'ne in ke hain masur ab tak Sira'haat se inhein rad kar raha hai

جو معنی ان کے ہیں ماثور اب تک صراحت سے انہیں رَد کررہا ہے

Kahan tak zulm mein is ke gunaun Kahan tak main gunu kya kya baka hai

کہاں تک ظلم میں اس کے گناؤں کہاں تک میں گنوں کیا کیا بکا ہے

Nafi jis ilm ki sarkar se ki Isi ko nas se shaitaan kar diya hai

نفی جس علم کی سرکار سے کی اسی کو نص سے شیطاں کردیا ہے

Muheet e ard ka shaitaan ko jab Yeh nas se ilm sabit maanta hai

محیطِ اَرض کا شیطان کو جب یہ نص سے علم ثابت مانتا ہے

Shareek Iblees ko karta hai haq ka Ke shaitaan hi ko yeh haq jaanta hai

شریک اِبلیس کو کرتا ہے حق کا کہ شیطاں ہی کو یہ حق جانتا ہے

Wo kuch maane bahar soorat wo khud hi Bada mushrik ba hukum e khud bana hai

وہ کچھ مانے بہر صورت وہ خود ہی بڑا مشرک بحکمِ خود بنا ہے

Majaaneen o sabi haiwaan baha'im Yeh in sab ke liye bhi maanta hai

مَجانین و صبی حیواں بہائم یہ ان سب کے لیے بھی مانتا ہے

Nabi ghair e nabi mein farq poocha Batao in mein un mein farq kya hai

نبی غیرِ نبی میں فرق پوچھا بتاؤ اِن میں اُن میں فرق کیا ہے

Unhein jaisa bataya ilm e aqdas Kaha hai baaz mein takhsees kiya hai

اُنہیں جیسا بتایا علمِ اَقدس کہا ہے بعض میں تخصیص کیا ہے

Nafi shah se bojeh shirk ki bhi Magar phir bhi isi mein mubtala hai

نفی شہ سے بوجہ شرک کی بھی مگر پھر بھی اسی میں مبتلا ہے

Jo qismat mein likha tha kyun na hota Kahin taqdeer ka likha mita hai

جو قسمت میں لکھا تھا کیوں نہ ہوتا کہیں تقدیر کا لکھا مٹا ہے

Karein lakhon jatan hota hai wohi Wohi hoga jo qismat mein bada hai

کریں لاکھوں جتن ہوتا ہے وہ ہی وہی ہوگا جو قسمت میں بدا ہے

Khayaal e khar mein isti'ghraq se bad Jo ta'zeem nabi ko jaanta hai

خیالِ خر میں اِستغراق سے بد جو تعظیم نبی کو جانتا ہے

Agar is ko koi itna kahe ga Ke wo insaan nahi khaasa gadha hai

اگر اس کو کوئی اتنا کہے گا کہ وہ انساں نہیں خاصا گدھا ہے

Bikhar jaayenge is par kaisa kaisa Jinhein tahzeeb e nau ka idda'aa hai

بکھر جائیں گے اس پر کیسا کیسا جنہیں تہذیبِ نو کا اِدَّعا ہے

Bayan e aib e dushman naat hi hai Ke Qur’an mein bhi to tabbat yada hai

بیانِ عیبِ دُشمن نعت ہی ہے کہ قرآں میں بھی تو تَبَّتْ یَدَا ہے

Zia e ka'ba se roshan hain aankhen Munawar qalb kaisa ho gaya hai

ضیائے کعبہ سے روشن ہیں آنکھیں منوّر قلب کیسا ہوگیا ہے

Hamari haazari norun 'ala nor Ke ba'ad e hajj humein haazir kiya hai

ہماری حاضری نُوْرٌ عَلٰی نُوْر کہ بعدِ حج ہمیں حاضر کیا ہے

Zia e rozah ka aalam kahun kya Ke wo to noor e ka'ba se sawa hai

ضیائے روضہ کا عالم کہوں کیا کہ وہ تو نورِ کعبہ سے سوا ہے

Yahan mehboob e rab hai jalwa ara Wahan bas ik tajalli ki ziya hai

یہاں محبوبِ رب ہے جلوہ آرا وہاں بس اِک تجلی کی ضیا ہے

Hai yeh to wasl se sarsabz dil shaad Wo naar e hijr se dil sokhta hai

ہے یہ تو وصل سے سرسبز دل شاد وہ نارِ ِہجر سے دل سوختا ہے

Mah o khor bheek paate hain yahan se Zia e rozah ka kehna hi kya hai

مہ و خور بھیک پاتے ہیں یہاں سے ضیائے روضہ کا کہنا ہی کیا ہے

Fiza e tayebah ke qurbaan jaau'n Naseem e khuld si jis ki hawa hai

فضائے طیبہ کے قربان جاؤں نسیمِ خلد سی جس کی ہوا ہے

Khafeef o khush maza be misal pani Kahin duniya mein aisa kab piya hai

خفیف و خوش مزا بے مثل پانی کہیں دنیا میں ایسا کب پیا ہے

Zameen e pak wo jis ko khuda ne Kitab Allah mein arz e Allah kaha hai

زمینِ پاک وہ جس کو خدا نے کتاب اللہ میں اَرْضُ اللہ کہا ہے

Hamein to tayebah hai jannat se badh kar Jahan mehboob e haq jalwa numa hai

ہمیں تو طیبہ ہے جنت سے بڑھ کر جہاں محبوبِ حق جلوہ نما ہے

Qadam hum jaiseon ke is sarzameen par Karam sarkar ka hai aur kya hai

قدم ہم جیسوں کے اس سرزمیں پر کرم سرکار کا ہے اور کیا ہے

Watan ki har suhayi subah Noori Yahan ki shaam e ghorbat par fida hai

وطن کی ہر سہانی صبح نوریؔ یہاں کی شامِ غربت پر فدا ہے

Share This Naat

Related Naats

دماغ ہوتا ہے روشن، دہن مہکتا ہے

امام ِ جُملہ رُسل گلبنِ ریاضِ خلیل

نعتِ سرور ہے شاعری میری

پھر سے بلاؤ جلد مدینے میں یارسول