پھر سے بلاؤ جلد مدینے میں یارسول
کردو کرم حضور! پئے فاطِمہ بَتول
Phir se bulao jald madine mein ya Rasool
Kardo karam Huzoor! Paye Fatima Batool
دُنیا پرست زَر پہ مرے گل پہ عَندَلیب
اپنا تو اِنتخاب مدینے کا ہے بَبُول
Duniya parast zar pe mare gul pe andaleeb
Apna to intikhab madine ka hai babool
بیمارِ ہجر کا ابھی ہو جائے گا علاج
جاؤ اُٹھا کے لاؤ مدینے کی تھوڑی دھول
Beemar-e hijr ka abhi ho jaega ilaaj
Jaao uthake laao madine ki thodi dhool
دنیا کی لذّتوں سے مری جان چھوٹ جائے
مجھ کو بنا دے یاخدا تو عاشِقِ رسول
Duniya ki lazaton se meri jaan chhoot jaye
Mujh ko bana de yakhuda tu aashiq-e Rasool
میری زَبان تر رہے ذِکر و دُرُود سے
بے جا ہنسوں کبھی نہ کروں گفتگو فُضُول
Meri zubaan tar rahe zikr o durood se
Be ja hansu kabhi na karun guftagu fazool
میری پسند خارِ مدینہ ہے بُلبلو
لیکر میں کیا کروں گا تمہارے یہاں کے پھول
Meri pasand khaar-e madina hai bulbul-o
Lekar main kya karun ga tumhare yahan ke phool
خوش بخت بے شُمار مدینے میں دَ فن ہیں
ہو جائے ان میں کاش! مِرا بھی کبھی شُمُول
Khush bakht be shumar madine mein dafan hain
Ho jaaye un mein kaash! Mera bhi kabhi shumool
پَرچار سنّتوں کا جو کرتا ہے رات دن
ہردم ہو اس پہ رَحمتوں کا یاخدا نُزُول
Parchaar sunaton ka jo karta hai raat din
Hardam ho us pe rahmaton ka yakhuda nuzool
دیتا ہوں تجھ کو واسِطہ یارب حُضور کا
ہر ہر خطا تو بخش دے کر ہر مُعاف بھول
Deta hun tujh ko waasta yarab huzoor ka
Har har khata tu baksh de kar har maaf bhool
غوث و رضا کا واسِطہ یاشافِعِ اُمَم
رکھنا نہ مجھ کو حَشر میں رنجیدہ و مَلول
Ghaus o Raza ka waasta yashafi-e umam
Rakhna na mujh ko hashr mein ranjida o malool
گر لمحہ بھر بھی حاضِری طیبہ کی ہو نصیب
حاصِل یِہی ہے زِیست کا محنت ہوئی وُصُول
Gar lamha bhar bhi haazri Taiba ki ho naseeb
Haasil yahi hai zeest ka mehnat hui wusool
سرکار! چار یار کے صدقے میں ہو کرم
عطارؔ کو سدا کے لئے کر لو تم قَبول
Sarkar! Char yaar ke sadqe mein ho karam
Attar ko sada ke liye kar lo tum qubool
Share This Naat
Share with friends and family
پھر سے بلاؤ جلد مدینے میں یارسول
الیاس عطار قادری