تصور لطف دیتا ہے دہانِ پاک سروَر کا
بھرا آتا ہے پانی میرے مونہہ میں حوضِ کوثر کا
Tasavvur lutf deta hai daahan-e-paak sarwar ka
Bhara aata hai paani mere mooh mein haz e kausar ka
جو کچھ بھی وَصف ہو اُن کے جمالِ ذَرَّہ پروَر کا
مِرے دیوان کا مَطلع ہو مَطلع مہرِ محشر کا
Jo kuch bhi wasf ho un ke jamal e zarra parwar ka
Mere deewan ka matla ho matla mehar e mahshar ka
مجھے بھی دیکھنا ہے حوصلہ خورشیدِ محشر کا
لئے جاؤں گا چھوٹا سا کوئی ذَرَّہ تِرے دَر کا
Mujhe bhi dekhna hai hausla khursheed e mahshar ka
Liyay jaon ga chota sa koi zarra tere dar ka
جو اِک گوشہ چمک جائے تمہارے ذَرَّۂ در کا
ابھی مونہہ دیکھتا رہ جائے آئینہ سکندر کا
Jo ik gosha chamak jaye tumhare zarra-e-dar ka
Abhi mooh dekhta reh jaye aina Sikandar ka
اگر جلوہ نظر آئے کف پائے منور کا
ذرا سا مونہہ نکل آئے ابھی خورشید محشر کا
Agar jalwa nazar aaye kaf paaye munawwar ka
Zara sa mooh nikal aaye abhi khursheed e mahshar ka
اگر دَم بھر تصور کیجئے شانِ پیمبر کا
زباں پر شور ہو بے ساختہ اَللّٰہُ اَکْبَر کا
Agar dam bhar tasavvur kijiye shan-e-paighambar ka
Zuban par shor ho be saakhta Allah ho Akbar ka
اُجالا طور کا دیکھیں جمالِ جاں فزا دیکھیں
کلیم آکر اُٹھا دیکھیں ذرا پردہ ترے دَر کا
Ujaala toor ka dekhein jamal e jaan faza dekhein
Kaleem aaker utha dekhein zara parda tere dar ka
دو عالم میہماں تو میزباں خوانِ کرم جاری
ادھر بھی کوئی ٹکڑا میں بھی کتا ہوں ترے در کا
Do aalam mehmaan to mezban khwan-e-karam jari
Idhar bhi koi tukda main bhi kutta hoon tere dar ka
نہ گھر بیٹھے ملے جوہر صفا و خاکساری کے
مرید ذرّۂ طیبہ ہے آئینہ سکندر کا
Na ghar baithay milay johar safa o khaaksari ke
Mureed zarra e tayyaba hai aina Sikandar ka
اگر اس خندۂ دنداں نما کا وصف موزوں ہو
ابھی لہرا چلے بحرِ سخن سے چشمہ گوہر کا
Agar is khanda-e-dandan numa ka wasf mozoon ho
Abhi lehra chale bahr-e-sukhan se chashma gohar ka
تِرے دامن کا سایہ اور دامن کتنے پیارے ہیں
وہ سایہ دشت محشر کا یہ حامی دِیدۂ تر کا
Tere daaman ka saaya aur daaman kitne pyare hain
Woh saaya dasht-e-mahshar ka yeh haami deeda-e-tar ka
تمہارے کوچہ و مرقد کے زائر کو میسر ہے
نظارہ باغِ جنت کا تماشہ عرشِ اَکبر کا
Tumhare koocha o marqad ke zair ko mayassar hai
Nazaara bagh-e-jannat ka tamasha arsh-e-akbar ka
گنہگارانِ اُمت ان کے دامن پر مچلتے ہوں
الٰہی چاک ہو جس دم گریباں صبح محشر کا
Gunehgaraan-e-ummat un ke daaman par machalte hon
Ilahi chaak ho jis dam garebaan subah-e-mahshar ka
ملائک جن و اِنساں سب اسی دَر کے سلامی ہیں
دو عالم میں ہے اک ُشہرہ مِرے محتاج پروَر کا
Malaik jin o insaan sab isi dar ke salaami hain
Do aalam mein hai ek shohra mere mohtaaj parwar ka
الٰہی تشنہ کامِ ہجر دیکھے دشت محشر میں
برسنا اَبر رحمت کا چھلکنا حوضِ کوثر کا
Ilahi tashna kaam-e-hijr dekhe dasht-e-mahshar mein
Barsna abr-e-rehmat ka chhalakna haud e kausar ka
زیارت میں کروں اور وہ شفاعت میری فرمائیں
مجھے ہنگامۂ عیدین یارب دن ہو محشر کا
Ziyarat mein karun aur woh shafaat meri farmayen
Mujhe hangaama-e-eidain ya rab din ho mahshar ka
نصیب دوستاں ان کی گلی میں گر سکونت ہو
مجھے ہو مغفرت کا سلسلہ ہر تار بستر کا
Naseeb doston unki gali mein gar suknat ho
Mujhe ho maghfirat ka silsila har taar bistar ka
وہ گریہ اُستن حنانہ کا آنکھوں میں پھرتا ہے
حضوری نے بڑھایا تھا جو پایا اَوجِ منبر کا
Woh girya ustan Hannan ka aankhon mein phirta hai
Huzoori ne barhaya tha jo paya aoj-e-minbar ka
ہمیشہ رہروانِ طیبہ کے زیر قدم آئے
الٰہی کچھ تو ہو اعزاز میرے کاسۂ سر کا
Hamesha rahrowan e tayyaba ke zer kadam aaye
Ilahi kuch to ho aizaaz mere kasa-e-sar ka
سہارا کچھ نہ کچھ رکھتا ہے ہر فردِ بشر اپنا
کسی کو نیک کاموں کا حسنؔ کو اپنے یاوَر کا
Sahara kuch na kuch rakhta hai har fard-e-bashar apna
Kisi ko nek kaamon ka Hasan ko apne yaawar ka
Share This Naat
Share with friends and family
تصور لطف دیتا ہے دہانِ پاک سروَر کا
حسن رضا خان