منزل کا نشاں ان کے قدموں کے نشاں ٹھہرے
انوار کا مرکز ہے سرکارؐ جہاں ٹھہرے
Manzil ka nishan un ke qadamun ke nishan thehray
Anwar ka markaz hai Sarkarؐ jahan thehray
محبوبؐ کی عظمت پر جس وقت نگہ ڈالی
کب ہوش و خرد ٹھہرے، کب وہم و گماں ٹھہرے
Mahboobؐ ki azmat par jis waqt nigah daali
Kab hosh o khird thehray, kab wehm o gumaan thehray
معراج کی شب، ان کی، عظمت کی گواہی دے
سردارِؐ جہاں گزرے، رفتارِ زماں ٹھہرے
Mairaj ki shab, un ki, azmat ki gawahi de
Sardarؐ-e-jahan guzray, raftaar-e-zamaan thehray
سب اتنا بتاتے ہیں اللہ کے وہ مہماں تھے
معلوم ہے یہ کس کو سرکارؐ کہاں ٹھہرے
Sab itna batatay hain Allah ke wo mehmaan thay
Maloom hai ye kis ko Sarkarؐ kahan thehray
چمکے گا قیامت تک، نام ان کا زمانے میں
جو ان کی محبت میں بے نام و نشاں ٹھہرے
Chamkay ga qayamat tak, naam un ka zamane mein
Jo un ki mohabbat mein be-naam o nishan thehray
سرکارؐ کی مدحت کا حق کیسے ادا ہوگا
لکھنے کو قلم کانپے، کہنے کو زباں ٹھہرے
Sarkarؐ ki madahat ka haq kaise ada hoga
Likhnay ko qalam kanpay, kahanay ko zubaan thehray
اے کاش عطا کر دیں خیرات نگاہوں کی
جس وقت ظہوریؔ کی یہ عمرِ رواں ٹھہرے
Aye kaash ata kar dain khairat nigahon ki
Jis waqt Zahooriؔ ki ye umr-e-rawaan thehray
Share This Naat
Share with friends and family
منزل کا نشاں ان کے قدموں کے نشاں ٹھہرے
محمد علی ظہوری