naat
اترے وہ اِس طرح مرے خواب و خیال میں
اترے وہ اِس طرح مرے خواب و خیال میں
رونق سی لگ گئی دلِ آشفتہ حال میں
Utre wo is tarah mere khwab o khayal mein
Ronak si lag gayi dil-e-aashufta haal mein
حسنِ شہِ عرب کی ہیں تابانیاں جدا
خورشید تیرتا ہے رخِ پُر جمال میں
Husn-e-Sheh-e-Arab ki hain tabaniyan juda
Khursheed teerata hai rukh-e-pur jamaal mein
فیضان ہے یہ ناخنِ پائے حضور کا
یونہی کشش نہیں ہے وجودِ ہِلال میں
Faizan hai ye naakhun-e-paa-e-Huzoor ka
Yunhi kashish nahi hai wujood-e-hilal mein
جب دیکھتے تھے شہرِ نبی اٹھتے بیٹھتے
دن کام کے وہی تھے مرے ماہ و سال میں
Jab dekhte the shehr-e-Nabi uthte baithte
Din kaam ke wohi the mere maah o saal mein
پھونکیں حسد کی جس کو نہ ہر گز بُجھا سکیں
محوِ سفر وہ نور ہے حضرت کی آل میں
Phoonken hasad ki jis ko na har giz bujha sakein
Mahw-e-safar wo noor hai Hazrat ki aal mein
کیسے بھلا سمجھ لوں تجھے خود سا اِک بشر
جب کہ کثافتیں ہیں مرے بال بال میں
Kaise bhala samajh loon tujhe khud sa ik bashar
Jab ke kasafaten hain mere baal baal mein
کر دیجئے حضور تبسم کہ حشر میں
بدلے جلالِ ذاتِ الٰہی جمال میں
Kar dijiye Huzoor tabassum ke hashr mein
Badle jalaal-e-zaat-e-Ilahi jamaal mein
Share This Naat
Share with friends and family
اترے وہ اِس طرح مرے خواب و خیال میں
حافظ محمد ابوبکر تبسمؔ