دِل اُسے چاہے زباں اس کی ثنا خوانی کرے
جِس کے در پر بیٹھنے والا جہانّبانی کرے
Dil use chahe zubaan us ki sana khawani kare
Jis ke dar par baithne wala jahan-baani kare
تِیرہ بختی کو بنادے مالکِ صُبحِ یقیں
اور بگولوں کے حوالے شمعِ ایمانی کرے
Teerah bakhti ko banade maalik-e-subh-e-yaqeen
Aur bagolon ke hawale sham-e-imani kare
چشمِ قاتل میں کھِلادے پھُول جِس کی روشنی
جس کا اندازِ فصاحت ، سنگ کو پانی کرے
Chashm-e-qatil mein khila de phool jis ki roshni
Jis ka andaaz-e-fasahat, sang ko pani kare
آنے والے ہر زمانے کا اکیلا پیش رَو
جِس کا اِستقبال کُل تارِیخ اِنسانی کرے
Aane wale har zamane ka akela paish-ro
Jis ka istaqbal kul tareekh insani kare
گردنِ آفاق میں ہیں تختیاں ہر سانس کی
تر جمہ ہر اِک ادا کا نُطقِ قُرآنی کرے
Gardan-e-aafaq mein hain takhtiyan har saans ki
Tar juma har ik ada ka nutq-e-Qurani kare
نا خدائے مشرق و مغرب کا لے دُوں نام اگر
میری کشتی کی حفاظت آپ طغیانی کرے
Na khuda-e-mashriq-o-magrib ka le doon naam agar
Meri kashti ki hifazat aap tughiyani kare
آج کا حسّان بِن ثابت، مظفّرؔ وارثی
مُلکِ حمدو نعت میں بے تاج سُلطانی کرے
Aaj ka Hassan bin Saabit, Muzaffar Waris̥i
Mulk-e-hamdo naat mein be taaj sultani kare
Share This Naat
Share with friends and family
دِل اُسے چاہے زباں اس کی ثنا خوانی کرے
مظفر وارثی