ہمارے دِل کے آئینہ میں ہے نقشہ محمد کا
ہماری آنکھ کی پتلی میں ہے جلوہ محمد کا
Huma're dil ke aai'na mein hai naqsha Muhammad ka
Humari aankh ki putli mein hai jalwa Muhammad ka
خس و خاشاک سے بدتر ہے بیگانہ محمد کا
اسے ہوشیار سمجھو جو ہے دیوانہ محمد کا
Khas o khashak se badtar hai begana Muhammad ka
Use hoshiyar samjho jo hai deewana Muhammad ka
تمہارے ہی لیے تھا اے گنہگارو سیہ کارو
وہ شب بھر جاگنا اور رات بھر رونا محمد کا
Tumha're hi liye tha ae gunahgaro siyah karo
Woh shab bhar jagna aur raat bhar rona Muhammad ka
جگر ہوتا ہے ٹکڑے ٹکڑے جس دم یاد آتا ہے
وہ شب بھر جاگنا اور رات بھر رونا محمد کا
Jigar hota hai tukde tukde jis dum yaad aata hai
Woh shab bhar jagna aur raat bhar rona Muhammad ka
غلامانِ محمد کے سروں سے بارِ عصیاں کو
اُڑا لے جائے گا اک آن میں جھونکا محمد کا
Ghulama'n-e-Muhammad ke saron se baar-e-asyaan ko
Ura le jaaye ga ek aan mein jhonka Muhammad ka
سیہ ہیں نامۂ اَعمال اپنے گرچہ اے زاہد
مگر کافی ہے دُھلنے کے لیے چھینٹا محمد کا
Siyah hain nama-e-a'maal apne garchay ae zahid
Magar kafi hai dhulne ke liye chhenta Muhammad ka
ندا ہوگی یہ محشر میں گنہگارو نہ گھبراؤ
وہ دیکھو اَبرِ رحمت جھوم کر اُٹھا محمد کا
Nida hogi ye mahshar mein gunahgaro na ghabrao
Woh dekho abr-e-rehmat jhoom kar utha Muhammad ka
اگرچہ عابدوں کے پاس سامانِ عبادت ہے
گنہگاروں کو کافی ہے فقط اِیما محمد کا
Agarche aabido'n ke paas saamaan-e-ibadat hai
Gunahgaro'n ko kafi hai faqat eema Muhammad ka
لحد کا خوف کیوں ہو روزِ محشر کا ہو کیا کھٹکا
لیے جاتا ہوں دل پر لکھ کے میں طغرا محمد کا
Lahad ka khauf kyun ho roz-e-mahshar ka ho kya khatka
Liye jaata hoon dil par likh ke mein tughra Muhammad ka
خدا کے سامنے پیشی ہوئی جس دم تو کہہ دوں گا
برا ہوں یا بھلا لیکن ہوں میں بندہ محمد کا
Khuda ke samne pesh hui jis dum to keh doo'n ga
Bura hoon ya bhala lekin hoon mein banda Muhammad ka
تعجب کیا اگر منہ پھیر لے جنت سے شیدائی
کہ ہے رَشکِ بہارِ خلد ہر کوچہ محمد کا
Tajub kya agar munh pher le jannat se sheedaai
Ke hai rashk-e-bahaar-e-khalad har koocha Muhammad ka
کوئی جائے گا دوزخ کو کوئی جنت میں پہنچے گا
مَدینے کی طرف دوڑے گا دیوانہ محمد کا
Koi jaaye ga dozakh ko koi jannat mein pohnche ga
Madinay ki taraf doray ga deewana Muhammad ka
الٰہی اس تنِ خاکی میں جب تک جان باقی ہے
رہے دل میں اَحد اور وردِ لب کلمہ محمد کا
Illaahi is tan-e-khaaki mein jab tak jaan baqi hai
Rahe dil mein ahad aur werd-e-lab kalma Muhammad ka
نکالیں رُوح تن سے قابض الارواح جب آکر
خدایا وِردِ لب اس وقت ہو کلمہ محمد کا
Nikaalein rooh tan se qabiz al-arwah jab aakar
Khudaaya werd-e-lab us waqt ho kalma Muhammad ka
ھُوَ الْمُعْطِیْ وَاِنِّیْ قَاسِمٌ سے صاف ظاہر ہے
بٹے گا حشر تک کونین میں باڑا محمد کا
Huwa al-mu'ti wa inni qasim se saaf zaahir hai
Bate ga hashr tak kownain mein ba'ra Muhammad ka
نہیں موقوف کچھ اُن کی عطا اس ایک عالم پر
ملے گا حشر میں بھی دیکھنا صدقہ محمد کا
Nahin moukoof kuch un ki ata us ek aalam par
Mile ga hashr mein bhi dekhna sadqa Muhammad ka
جمیلؔ قادری مشکل ہے مِدحت ختم کر اس پر
کہ حق کے بعد بالا سب سے ہے رتبہ محمد کا
Jamil Qadri mushkil hai midhat khatm kar is par
Ke Haq ke baad baala sab se hai rutba Muhammad ka
میں ہوں بندہ رضا کا اور رضا احمد کے بندہ ہیں
جمیلؔ قادری میں یوں ہوا بندہ محمد کا
Mein hoon banda Raza ka aur Raza Ahmed ke banda hain
Jamil Qadri mein yun hua banda Muhammad ka
Share This Naat
Share with friends and family
ہمارے دِل کے آئینہ میں ہے نقشہ محمد کا
جمیل الرحمن قادری