لب پر ہم ان کا ذکر سجاتے چلے گئے
اعمالِ خیر اور بڑھاتے چلے گئے
Lab par hum un ka zikr sajate chale gaye
Amaal-e-khair aur barhate chale gaye
جاتے ہوئے حضورؐ کے روضے کے سامنے
حبِ نبیؐ میں نعت سناتے چلے گئے
Jate hue Huzoorؐ ke rozay ke samne
Hub-e-Nabiؐ mein naat sunate chale gaye
چلتے ہوئے حضورؐ کی ہم رہگزار پر
آنکھیں ادب کے ساتھ بچھاتے چلے گئے
Chalte hue Huzoorؐ ki hum rehguzar par
Aankhen adab ke sath bichaate chale gaye
ہر سمت شہرِ طیبہ کے منظر ہیں دلربا
ہم نقش ان کے دل میں بساتے چلے گئے
Har simt shehar-e-Taybah ke manzar hain dilruba
Hum naqsh un ke dil mein basate chale gaye
اک حرفِ التجا بھی زباں پر نہ آسکا
دستِ دعا پہ آنسو گراتے چلے گئے
Ek harf-e-ilteja bhi zuban par na aa saka
Dast-e-dua pe aansu girate chale gaye
ہجرت سے فتحِ مکّہ کی تاریخ کے حروف
آقاؐ کی مشکلات دکھاتے چلے گئے
Hijrat se fath-e-Makkah ki tareekh ke huroof
Aaqaؐ ki mushkilat dikhaate chale gaye
ہر لمحۂ حیات میں امّت کے واسطے
دریا وہ رحمتوں کے بہاتے چلے گئے
Har lamhaٔ hayat mein ummat ke wastay
Darya wo rehmaton ke bahaate chale gaye
صدیقؓ اہتمامِ خلافت سے عمر بھر
عہدِ نبیؐ کی یاد دلاتے چلے گئے
Siddeeqؓ ehtemaam-e-Khilafat se umr bhar
Ehed-e-Nabiؐ ki yaad dilaate chale gaye
طاہرؔ وفا حضورؐ کی شامل لہو میں ہے
صد شکر ہم وفائیں نبھاتے چلے گئے
Tahirؔ wafa Huzoorؐ ki shamil lahoo mein hai
Sad shukar hum wafaein nibhaate chale gaye
Share This Naat
Share with friends and family
لب پر ہم ان کا ذکر سجاتے چلے گئے
پروفیسر محمد طاہر صدیقی