کرم آقائے ہر عالم کا ہم پر کیوں نہیں ہوگا
وسیلہ آل کا ہو کام بہتر کیوں نہیں ہوگا
Karam aaqa-e-har aalam ka hum par kyu nahi hoga
Waseela aal ka ho kaam behtar kyu nahi hoga
لگی ہے لَو مدینے سے مرے تاریک دل کی جب
نگاہِ لطفِ آقا سے منور کیوں نہیں ہوگا
Lagi hai lo madine se mere tareek dil ki jab
Nigaah-e-lutf-e-aaqa se munawar kyu nahi hoga
گہر بن جائے پل بھر میں نظر اٹھے جو ذرے پر
اشارے سے گدا ان کا سکندر کیوں نہیں ہوگا
Gahar ban jaye pal bhar mein nazar utthay jo zarrey par
Ishaare se gada un ka Sikandar kyu nahi hoga
جو آجائے گا سلطانِ مدینہ کی غلامی میں
ہمیشہ اوج پر اس کا مقدر کیوں نہیں ہوگا
Jo aajaye ga sultan-e-madina ki ghulami mein
Hamesha ooj par us ka muqaddar kyu nahi hoga
جہاں پہ ہر گھڑی ہوتا ہو ذکرِ سرور عالم
خدا کے نور سے پُر نور وہ گھر کیوں نہیں ہوگا
Jahan pe har ghari hota ho zikr-e-surur-e-aalam
Khuda ke noor se pur noor wo ghar kyu nahi hoga
دکھائی دیتا ہے جو خواب میں منظر مواجہ کا
نظر کے سامنے اک دن یہ منظر کیوں نہیں ہوگا
Dikhai deta hai jo khwab mein manzar muwajah ka
Nazar ke samne ek din ye manzar kyu nahi hoga
وہ اپنی زلف لہراتے ہوئے تشریف لائیں گے
لحد کا گوشہ گوشہ پھر معنبر کیوں نہیں ہوگا
Wo apni zulf lehrate hue tashreef laayenge
Lahad ka goshah goshah phir ma'nanbar kyu nahi hoga
وہ خود تشریف لا کر ہاتھ سینے پر رکھیں آصف
سکوں میں پھر مرا یہ قلبِ مضطرکیوں نہیں ہوگا
Wo khud tashreef la kar haath seene par rakhen Asif
Sukoon mein phir mera ye qalb-e-muztar kyu nahi hoga
Share This Naat
Share with friends and family
کرم آقائے ہر عالم کا ہم پر کیوں نہیں ہوگا
محمد آصف قادری