کونین کے ہاتھوں میں مُحمّؐد کے عَلَم ہیں
پہنچے نہ جہاں ذہن وہاں اُن کے قدم ہیں
Konain ke hathon mein Muhammadؐ ke alam hain
Pahunchay na jahan zehan wahan un ke qadam hain
صدیاں ہی نہیں عہدِ رسالت کی کنیزیں
آفاق بھی سب حاشیہ بردارِ حرم ہیں
Sadiyan hi nahi ahad-e-risalat ki kaneezain
Aafaq bhi sab hashiya bardar-e-haram hain
قرآن کا پڑھنا بھی زیارت ہے نبی کی
اوصاف ہیں تحریر خدوخال رقم ہیں
Quran ka parhna bhi ziarat hai nabi ki
Awsaf hain tehreer khadokhal raqam hain
تاریکیِ پَیہم ہو تو وہ صُبح کا تارا
سُوکھا ہُوا موسم ہو تو وہ ابرِ کرم ہیں
Tareeki-e-peham ho to woh subah ka tara
Sookha hua mausam ho to woh abr-e-karam hain
مَیں اُن میں فنا ہو کے اُنھیں دیکھ رہا ہُوں
وہ زندہ سلامت پسِ دیوارِ عدم ہیں
Main un mein fanna ho ke unhein dekh raha hoon
Woh zinda salamat pas-e-deewar-e-adam hain
اندر بھی مرے دفترِ سرکار کُھلا ہے
اس عرش کی تحویل میں بھی لوح و قلم ہیں
Andar bhi mere daftar-e-sarkar khula hai
Is arsh ki taweel mein bhi loh o qalam hain
کِتنا ہی مَیں تقسیم ہُوں ‘ حاصل وہی میرا
کِتنی بھی خطائیں ہوں عنایات سے کم ہیں
Kitna hi main taqseem hoon 'hasil wahi mera
Kitni bhi khataen hon inaayat se kam hain
آنکھیں بھی اُنھیں دیکھتی رہتی ہیں مظفّؔر
سانسیں بھی اُنہی قدموں کی آواز میں ضم ہیں
Aankhein bhi unhein dekhti rahti hain Muzaffar
Saansen bhi unhi qadmon ki awaaz mein zam hain
Share This Naat
Share with friends and family
کونین کے ہاتھوں میں مُحمّؐد کے عَلَم ہیں
مظفر وارثی