بیٹھتے اُٹھتے نبیؐ کی گفتگو کرتے رہے
عشق والے ہیں جو ان کی آرزو کرتے رہے
Baithte utthte Nabiؐ ki guftugu karte rahe
Ishq wale hain jo un ki aarzoo karte rahe
عاشقانِ مصطفےٰؐ ہر دور میں ہر موڑ پر
آپ کے نقشِ قدم کی جستجو کرتے رہے
Aashiqan-e-Mustafaؐ har daur mein har morr par
Aap ke naqsh-e-qadam ki justuju karte rahe
قابلِ صد رشک ہے ان کا طریقِ بندگی
جو نمازی اپنے اشکوں سے وضو کرتے رہے
Qaabil-e-sad rashk hai un ka tareeq-e-bandagi
Jo namazi apne ashkon se wuzu karte rahe
اہل ایماں نے کیے سجدے عجب انداز سے
سر کٹا کے اپنے سر کو سرخرو کرتے رہے
Ahl-e-Imaan ne kiye sajde ajab andaaz se
Sar kata ke apne sar ko sarfaraz karte rahe
ہوگئے گوشہ نشیں سارے وظیفے چھوڑ کر
ہم تصور میں انہی کو رُو برُو کرتے رہے
Ho gaye gosha nasheen saare wazaaif chor kar
Hum tasavvur mein unhi ko roo buru karte rahe
دوجہاں میں وہ ظہوریؔ پا گئے آبرو
جو بھی نامِ مصطفےٰؐ کی آبرو کرتے رہے
Do jahan mein woh Zahooriؔ paa gaye aabroo
Jo bhi naam-e-Mustafaؐ ki aabroo karte rahe
Share This Naat
Share with friends and family
بیٹھتے اُٹھتے نبیؐ کی گفتگو کرتے رہے
محمد علی ظہوری