سرکارِؐ دو عالم کی ہوئی کیسی عطا ہے
کونین میں کیا اس سے بڑی کوئی عطا ہے
Sarkar-eؐ do aalam ki hui kaisi ata hai
Konain mein kya is se bari koi ata hai
سر پر جو سجی ہے مرے اکرام کی پگڑی
حبِ شہِؐ کونین کی یہ ساری عطا ہے
Sar par jo saji hai mere ikram ki pagri
Hub-e shah-eؐ konain ki ye sari ata hai
ہر شاخِ تمنّا ہے لدی برگ و ثمر سے
امّیدِ حضوری کی ملی نوری عطا ہے
Har shaakh-e tamanna hai ladi barg o samar se
Umeed-e huzooree ki mili noori ata hai
الہام کے مخزن نے مری سوچ ہے بھر دی
وجداں پہ مرے اسوۂ کامل کی عطا ہے
Ilhaam ke makhzan ne meri soch hai bhar di
Wijdaan pe mere uswaٔ kaamil ki ata hai
پرواز تخیّل کی سرِ عرش ہے جاتی
افکار پہ سرکارؐ کی جب ہوتی عطا ہے
Parwaz takhayyul ki sar-e arsh hai jati
Afkaar pe Sarkarؐ ki jab hoti ata hai
اظہار کی قوّت بھی اسی در سے ہے پائی
’’مدحت کا قرینہ بھی اسی در کی عطا ہے‘‘
Izhaar ki qowat bhi isi dar se hai payi
’’Midhat ka qareena bhi isi dar ki ata hai’’
Share This Naat
Share with friends and family
سرکارِؐ دو عالم کی ہوئی کیسی عطا ہے
پروفیسر محمد طاہر صدیقی