اِس خدائی میں دِکھاؤ جو کہیں کوئی ہو
غیر ممکن ہے محمدؐ سا حسیں کوئی ہو
Is khudai mein dikhao jo kahin koi ho
Ghair mumkin hai Muhammad ﷺ sa haseen koi ho
تخت پر ہو کہ سرِ فرشِ زمیں کوئی ہو
ہیں کرم سب پہ رسالت کے، کہیں کوئی ہو
Takht par ho keh sar-e-farsh-e-zameen koi ho
Hain karam sab pe risalat ke, kahin koi ho
یا ادب سرورِؐ کونین کے دَر پر آئے
شاد ہو جائے گا دَم بھر میں، حزیں کوئی ہو
Ya adab sarwar-e- ﷺ kaunain ke dar par aaye
Shaad ho jaye ga dam bhar mein, hazzin koi ho
جب لیا نام شہِؐ کون و مکاں کا مَیں نے
یُوں لگا جیسے مِرے دل کے قریں کوئی ہو
Jab liya naam shah-e- ﷺ kon o makaan ka main ne
Yun laga jaise mere dil ke qareen koi ho
آنکھ جھپکی کہ محمدؐ کی سواری اُتری
خانۂ دل نے جو چاہا کہ مکیں کوئی ہو
Aankh jhapki keh Muhammad ﷺ ki sawari utri
Khana-e-dil ne jo chaha keh makeen koi ho
سایۂ دامنِ محبوبِؐ خدا کی خاطر
آئے گا حشر میں وہ گوشہ نشیں کوئی ہو
Saya-e-daman-e-mahboob-e- ﷺ Khuda ki khaatir
Aaye ga hashr mein wo gosha nasheen koi ho
ذرّے ذرّے میں نظر آئے گا اللہ کا دَر
لائقِ سجدہ گزاری تو جبیں کوئی ہو
Zarre zarre mein nazar aaye ga Allah ka dar
Laiq-e-sajda guzari to jabeen koi ho
عام ہے سیِّدؐ عالم کا زمانے پہ کرم
نام لیواؤں پہ موقوف نہیں، کوئی ہو
Aam hai Syed-e- ﷺ Alam ka zamane pe karam
Naam lewaon pe moqof nahi, koi ho
ہم ہیں اور اُن کی عنایات کا اِقرار نصیرؔ
نعت لکھنی ہے، زباں کوئی، زمیں کوئی ہو
Hum hain aur un ki inayat ka iqrar Naseer
Naat likhni hai, zabaan koi, zameen koi ho
Share This Naat
Share with friends and family
اِس خدائی میں دِکھاؤ جو کہیں کوئی ہو
سید نصیرالدیں نصیر