دل میں اترتے حرف سے مجھ کو ملا پتا ترا
معجزہ حسنِ صوت کا ، زمزمہِ صدا ترا
Dil mein utartay harf se mujh ko mila pata tera
Mo'jiza husn-e-saut ka, zamzama-e-sada tera
میرا کمال فن ، ترے حسن کلام کا غلام
بات تھی جانفزا تری ، لہجہ تھا دلربا ترا
Mera kamaal-e-fann, tere husn-e-kalaam ka ghulaam
Baat thi jaan-fiza teri, lehja tha dilruba tera
جاں تری سر بہ سر جمال ! دل ترا ، آئینہ مثال
تجھ کو ترے عدُو نے بھی دیکھا تو ہو گیا ترا
Jaan teri sar ba sar jamaal! Dil tera, aaeena misaal
Tujh ko tere adoo ne bhi dekha to ho gaya tera
اے مرے شاہِ شرق و غرب ! نانِ جویں غزا تری
اے مرے بوریا نشیں ! سارا جہاں گدا ترا
Ae mere Shaah-e-Sharq o Gharb! Naan-e-jooyn ghiza teri
Ae mere boriya nasheen! Saara jahaan gada tera
سنگ زنوں میں گِھر کے بھی ، تو نے انہیں دعا ہی دی
دشت بلا سے بارہا ، گزرا ہے قافلہ ترا
Sang-zanon mein ghir ke bhi, tu ne unhein duaa hi di
Dasht-e-balaa se baar-haa, guzra hai qaafila tera
میرا تو کائنات میں ، تیرے سوا کوئی نہیں
ارض تری ، سما ترے ، بندے ترے ، خدا ترا
Mera to kaainaat mein, tere siwa koi nahi
Arz teri, samaa tere, banday tere, Khuda tera
Share This Naat
Share with friends and family
دل میں اترتے حرف سے مجھ کو ملا پتا ترا
احمد ندیم قاسمی