لہو میں زِندگی کی لہر سی محسوس ہوتی ہے
نبیؐ کے ذکر سے بے حد خوشی محسوس ہوتی ہے
Lahoo mein zindagi ki lehr si mehsoos hoti hai
Nabi ﷺ ke zikr se be had khushi mehsoos hoti hai
فرشتے چُومنے آتے ہیں پیشانی عقیدت سے
مری آغوش کرنوں سے بھری محسوس ہوتی ہے
Farishtay choomne aate hain paishani aqeedat se
Meri aaghosh kirnon se bhari mehsoos hoti hai
نبیؐ کا نام آتا ہے زباں پر تو نجانے کیوں
مرے سارے بدن میں نغمگی محسوس ہوتی ہے
Nabi ﷺ ka naam aata hai zubaan par to najanay kyu
Mere saaray badan mein naghma-gii mehsoos hoti hai
تعلق جب کبھی میں جوڑلیتا ہوں مدینے سے
رِدا اک نور کی سَر پر تنی محسوس ہوتی ہے
Taluq jab kabhi mein jor leta hoon madinay se
Rida ek noor ki sar par tani mehsoos hoti hai
لکھا ہو جس کے پتوں پر محمد مصطفیٰؐ انجؔم
مجھے اُس پیڑ کی چھاؤں گھنی محسوس ہوتی ہے
Likha ho jis ke patton par Muhammad Mustafa ﷺ Anjum
Mujhe us pair ki chhaon ghani mehsoos hoti hai
Share This Naat
Share with friends and family
لہو میں زِندگی کی لہر سی محسوس ہوتی ہے
انجم نیازی