کوئی کیا جانے کیا ہے مے خانہ
درد دل کی دوا ہے مے خانہ
Koi kya jane kya hai maikhana
Dard dil ki dawa hai maikhana
ہے یہ اعجاز چشم ساقی کا
ہر نظر میں کھلا ہے مے خانہ
Hai ye aijaaz e chashm e saqi ka
Har nazar mein khula hai maikhana
مست و بے خود بنائے دیتی ہیں
تیری آنکھیں ہیں یا ہے مے خانہ
Mast o be khud banaye deti hain
Teri aankhen hain ya hai maikhana
میکشوں کا ہجوم رہتا ہے
کھول جب سے لیا ہے مے خانہ
Maikashon ka hujoom rehta hai
Khol jab se liya hai maikhana
مست سارے طواف کرتے ہیں
عاشقوں کا پتہ ہے مے خانہ
Mast saray tawaaf karte hain
Aashiqon ka pata hai maikhana
نظریں ملتی ہیں جام ملتے ہیں
کتنا اچھا ترا ہے مے خانہ
Nazrein milti hain jaam milte hain
Kitna achha tera hai maikhana
جلوہ یار دیکھنے کے لئے
دل کے اندر کھلا ہے مے خانہ
Jalwah yaar dekhne ke liye
Dil ke andar khula hai maikhana
میکشوں کو دعائیں دو ساقی
جن کے دم سے سجا ہے مے خانہ
Maikashon ko duaein do saqi
Jin ke dam se saja hai maikhana
جو دلوں کو سکون دیتا ہے
وہ مرے یار کا ہے مے خانہ
Jo dilon ko sakoon deta hai
Woh mere yaar ka hai maikhana
دیر و کعبہ کی بات اپنی ہے
دل کو اچھا لگا ہے مے خانہ
Deer o kaaba ki baat apni hai
Dil ko achha laga hai maikhana
سجدے کرتا ہوں پی کے مستی میں
کتنا اچھا ترا ہے مے خانہ
Sajde karta hoon pee ke masti mein
Kitna achha tera hai maikhana
ہے لباس عروس میں ساقی
آج دولہا بنا ہے مے خانہ
Hai libaas e aroos mein saqi
Aaj dulha bana hai maikhana
رند گرتے ہیں پائے ساقی پر
میکشوں پر فدا ہے مے خانہ
Rand girte hain paaye saqi par
Maikashon par fida hai maikhana
مجھ سا شاید ملا نہیں کوئی
پھر مجھے ڈھونڈتا ہے مے خانہ
Mujh sa shayad mila nahin koi
Phir mujhe dhoondta hai maikhana
کیوں نیازی میں چھوڑ کر جاؤں
مشکلوں سے ملا ہے مے خانہ
Kyun Niazi mein chhor kar jaoon
Mushkilon se mila hai maikhana
Share This Naat
Share with friends and family
کوئی کیا جانے کیا ہے مے خانہ
عبدالستار نیازی