نام لیوا ترا کوچہ سے ترے شاد آیا
کب ترے دَر سے کوئی لوٹ کے بے داد آیا
Naam Leva Tera Koocha Se Tere Shaad Aaya
Kab Tere Dar Se Koi Loot Ke Be Daad Aaya
لے گیا دِل کی مرادوں سے وہ بھر کر دامن
جو ترے روضہ پہ کرتا ہوا فریاد آیا
Le Gaya Dil Ki Muradon Se Woh Bhar Kar Daman
Jo Tere Roza Pe Karta Hua Faryaad Aaya
ترے روضے کو نہ کیوں قبلۂ حاجات کہوں
لوٹ کر شاد گیا جو کوئی ناشاد آیا
Tere Roze Ko Na Kyun Qible Hajaat Kahun
Loot Kar Shaad Gaya Jo Koi Na Shaad Aaya
نام نے تیرے ہر اِک غم سے بچایا ہم کو
رَنج سب بھول گئے تو ہمیں جب یاد آیا
Naam Ne Tere Har Ik Gham Se Bachaya Hum Ko
Ranj Sab Bhool Gaye Tu Humein Jab Yaad Aaya
جب غلاموں نے مصیبت میں تجھے یاد کیا
آن کی آن میں تو برسرِ اِمْداد آیا
Jab Ghulamon Ne Museebat Mein Tujhe Yaad Kiya
Aan Ki Aan Mein Tu Bar Sar-e-Imdaad Aaya
تجھ پہ قربان میں اے آئینۂ ذاتِ خدا
اِک نظر دیکھ لیا تجھ کو خدا یاد آیا
Tujh Pe Qurban Mein Ae Aaina-Zaat-e-Khuda
Ik Nazar Dekh Liya Tujh Ko Khuda Yaad Aaya
کب وہ دن ہوگا الٰہی کہ یہ اَحباب کہیں
اے جمیلِؔ رَضوی دیکھ تو بغداد آیا
Kab Woh Din Hoga Ilahi Ke Yeh Ahbab Kahin
Ae Jameel Razvi Dekh Tu Baghdad Aaya
Share This Naat
Share with friends and family
نام لیوا ترا کوچہ سے ترے شاد آیا
جمیل الرحمن قادری