اے موت ٹھہر جا مَیں مدینے تے جا لَواں
سُتّا ہوئیا نصیب تے اپنا جگا لَواں
Ae maut thehar jaa maiñ Madine te ja lawaan
Sutta hoya naseeb te apna jaga lawaan
محبُوب دا اوہ گُنبدِ خضرا تے ویکھ لاں
سَر کار دی گلی دے نظارے تے پا لَواں
Mahboob da oh gumbad-e-Khazra te vekh laan
Sar kar di gali de nazare te paa lawaan
لگّے نے مصطفےٰؐ دے قدم جِس زمین تے
اِک وار اوس خاک نوں سِینے تے لالواں
Laggne ne Mustafaؐ de kadam jis zameen te
Ik waar os khaak nu seenay te laalawaan
اِک وار جا کے اوس دلاں دے طبِیب نوں
سِینے دے سارے داغ تے اپنے دکھالواں
Ik waar ja ke os dilaan de tabeeb nu
Seenay de saaray daagh te apne dikhalawaan
کہندے نے ہر غریب دی سندا اے زاریاں
مَیں وی تے اپنے غم دی کہَانی سُنالواں
Kehnde ne har ghareeb di sunda ae zaariyaan
Maiñ vi te apne gham di kehani sunalawaaan
کِدھرے کوئی کریم نئیں اوھدے نال دا
مَیں وی تے وِچ گدانواں دے نانواں لِکھا لواں
Kithre koi kareem nahiñ ohde naal da
Maiñ vi te wich gadonwan de naanoñ likha lawaan
جی بھر کے رو لواں درِ اقدس دے سامنے
اکھّاں نو گُفتگُو دا قرینہ سِکھا لواں
Jee bhar ke ro lawaan dar-e-Aqdas de samne
Akhhan nu guftagu da qareena sikha lawaan
مَیں وی تے چار موتی کراں اوس توں نثار
پلکاں تے ہنجواں دے ستارے سجا لَواں
Maiñ vi te chaar moti karaan os ton nisaar
Palkan te hanjwaan de sitaare saja lawaan
آوے جے فیر موت تے آوے ہزار وار
اعظؔم جے زِندگی دی اے حسرت مِٹا لَواں
Aave je fer maut te aave hazaar waar
Aazam je zindagi di ae hasrat mita lawaan
Share This Naat
Share with friends and family
اے موت ٹھہر جا مَیں مدینے تے جا لَواں
محمد اعظم چشتی