فرش والے ہی نہیں سرکارؐ کے دریوزہ گر
مہر و مہ بھی ہیں شہِؐ ابرار کے دریوزہ گر
farsh wale hi nahi sarkarؐ ke daryooza gar
mehr o meh bhi hain shahؐ abrar ke daryooza gar
ان کے ٹکڑوں پر پڑے ہیں ہم سے لاکھوں کاسہ لیس
بادشہ بھی ہیں مرے سرکارؐ کے دریوزہ گر
un ke tukron par pare hain hum se lakhon kasa lays
badshah bhi hain mere sarkarؐ ke daryooza gar
جس نے گھر کا گھر لٹایا سرورِؐ کونین پر
ہم ہیں اس آقاؐ کے یارِ غار کے دریوزہ گر
jis ne ghar ka ghar lutaya sarwarؐ e konain par
hum hain us aqaؐ ke yar e ghar ke daryooza gar
سیر چشمی ہے درِ سرکارؐ نے بخشی ہمیں
کس لیے پھر ہم رہیں اغیار کے دریوزہ گر
sair chashmi hai daar e sarkarؐ ne bakshee humein
kis liye phir hum rahain aghyar ke daryooza gar
شہرِ طیبہ جو ہے مسکن سرورِؐ کونین کا
ہم ہیں اس کے کوچہ و بازار کے دریوزہ گر
shehar e tayba jo hai maskan sarwarؐ e konain ka
hum hain us ke koocha o bazaar ke daryooza gar
غنچہ و گل نکہت افزائے جناں یوں ہی نہیں
ہیں سب ان کے گیسوئے خم دار کے دریوزہ گر
ghuncha o gul nakhat afzaye janaan yoon hi nahi
hain sab un ke gaysooay khum daar ke daryooza gar
جن سے ہو وجداں پہ تنزیلِ مضامینِ ثنا
میرے مولا میں ہوں ان افکار کا دریوزہ گر
jin se ho wijdan pe tanzeel e mazaameen e sana
mere moula mai hoon un afkaar ka daryooza gar
وجہِ تسکینِ مشامِ جان جو طاہرؔ بنے
لفظ مدحت کے ہیں اس مہکار کے دریوزہ گر
wajah e taskeen e masham e jaan jo tahirؔ bane
lafz madahad ke hain us mahkaar ke daryooza gar
Share This Naat
Share with friends and family
فرش والے ہی نہیں سرکارؐ کے دریوزہ گر
پروفیسر محمد طاہر صدیقی