دل سے نِکلی ہُوئی ہر ایک صدا کیف میں ہے
نامِ آقا کے وسیلے سے دعا کیف میں ہے
Dil se nikli hui har aik sada kaif mein hai
Naam-e aaqa ke waseele se dua kaif mein hai
درِ سرکار سے منہ مانگی مرادیں لے کر
نعمتیں ہاتھ میں ہیں اور گدا کیف میں ہے
Dar-e sarkar se manh maangi muraaden le kar
Nematain haath mein hain aur gada kaif mein hai
ہاتھ پھیلائے ہُوئے شاہ و گدا ہیں حاضر
اُن کے دربار میں تو ابرِ سخا کیف میں ہے
Haath phelaaye hue shah o gada hain haazir
Un ke darbaar mein to abr-e sakha kaif mein hai
خُوں کے پیاسوں کو مُعافی کا دیا پروانہ
فتحِ مکہ پہ عنایات و عطا کیف میں ہے
Khoon ke piason ko maafi ka diya parwana
Fath-e Makkah pe inayaate o ata kaif mein hai
مرحبا آمدِ سرکار کی ساعت آئی
فرش سے عرش تلک ساری فضا کیف میں ہے
Marhaba amad-e sarkar ki sa'at aayi
Farsh se arsh talak saari faza kaif mein hai
اُن کی دہلیز پہ دم توڑ دے جو بھی آکر
ہے مقدر کا دھنی اُس کی قضا کیف میں ہے
Un ki dehleez pe dam tod de jo bhi aakar
Hai muqaddar ka dhani us ki qaza kaif mein hai
آج پھر یادِ مدینہ نے کیا ہے بے چین
دل میں اُمید کا پھر آج دِیا کیف میں ہے
Aaj phir yaad-e Madina ne kiya hai baychain
Dil mein umeed ka phir aaj diya kaif mein hai
وجد کرتے ہُوئے گُزریں گے غلامانِ نبی
ربِّ سَلِّم کی وہ پُر نور صدا کیف میں ہے
Wajd karte hue guzrein ge ghulaman-e Nabi
Rabb-e sallim ki wo pur noor sada kaif mein hai
جب سے دیکھی ہے درِ شاہ کی مرزا نے بہار
بے خودی کا ہے سماں صبح و مسا کیف میں ہے
Jab se dekhi hai dar-e shah ki mirza ne bahaar
Bekhudi ka hai samaan subah o masa kaif mein hai
Share This Naat
Share with friends and family
دل سے نِکلی ہُوئی ہر ایک صدا کیف میں ہے
مرزا جاوید بیگ عطاری