اے وجہِ تب و تابِ جہاں روحِ دوعالم
اے کاشفِ اسرارِ نہاں صلِ وسَلَم
Ae wajah-e-tab o taab-e-jahaan rooh-e-do aalam
Ae kaashif-e-asraar e nehan sall e wa salm
اے صاحبِ الطاف و کرم والیٔ کونین
بھیگے ہیں کئی بار تری یاد میں دو نین
Ae saahib e altaaf o karam wali e konain
Bheege hain kai baar teri yaad mein do nein
بہتی ہے رگوں میں تری چوکھٹ کی غلامی
سینے میں دھڑکتا ہے ترا اسمِ گرامی
Behti hai ragon mein teri chaukhat ki ghulami
Seene mein dhadakta hai tera ism e girami
دے عطرِ مضامینِ منور مجھے شاہا
لکھنا ہے محبت سے ترا نور سراپا
De atar e mazaameen e munawwar mujhe shaaha
Likhna hai mohabbat se tera noor saraapa
دستار کے ہر پیچ میں قرنوں کی عناں ہے
سر، غرفۂ توحید ہے تلخیصِ جہاں ہے
Dastaar ke har paich mein qarnon ki anaan hai
Sar, ghrfa e toheed hai talkhees e jahaan hai
گیسو ہیں کہ واللیل کی تفسیرِ مکمل
پیشانی ہے خورشیدِ سحر روشن و اجمل
Gesu hain ke wallail ki tafseer e mukammal
Peshani hai khursheed e sahar roshan o ajmal
ہے خواہشِ مشکِ ختنی تیرا پسینہ
پیشانی پہ جیسے ہو درخشندہ نگینہ
Hai khwahish e mushk e khatni tera paseena
Peshani pe jaise ho darkhshanda nageena
انوار کی رم جھم میں نہائے ہوئے گیسو
تقدیس کے شانہ سے سنوارے ہوئے گیسو
Anwaar ki ram jham mein nahaaye hue gesu
Taqdees ke shaana se sanware hue gesu
چہرہ ہے ترا مہبطِ انوارِ الٰہی
دیتے ہیں یہ،والشمس ،کے الفاظ گواہی
Chehra hai tera mahbat e anwaar e ilaahi
Dete hain ye, wal-shams, ke alfaaz gawaahi
ابرو ترے قوسین کی قربت کے نشاں ہیں
اور گوش ترے سامعِ فریادِ جہاں ہیں
Abroo tere qausain ki qurbat ke nishaan hain
Aur gosh-e tere saame e faryaad e jahaan hain
پلکیں ہیں جو مازاغ کی آنکھوں پہ مکیں ہیں
آنکھیں ہیں جو دیدارِ الٰہی کی امیں ہیں
Palkain hain jo mazaagh ki aankhon pe makeen hain
Aankhen hain jo deedaar e ilaahi ki ameen hain
چشمانِ کرم قلزمِ تقدیس کے گوہر
عارض ترے انوار کی تنزیل کے محوَر
Chashmaani karam qulzam e taqdees ke gohar
Aariz tere anwaar ki tanzil ke mehwar
دندان تراشے ہوئے ہیروں کی قطاریں
شیدائے دہن رہتی ہیں گل پوش بہاریں
Dandaan taraashe hue heeron ki qataarain
Sheedaaye dahan rahti hain gul posh bahaarain
آواز میں فردوس کے جھرنوں کا ترنم
لب، نکہتِ گل، قاسمِ خیراتِ تبسم
Aawaaz mein firdos ke jhrnon ka tarannum
Lab, nakhat e gul, qaasim e khayraat e tabassum
ہونٹوں کے تقدس پہ فدا عالمِ ملکوت
فصحائے عرب عسلِ بلاغت سے ہیں مبہوت
Honton ke taqaddus pe fida aalam e malakoot
Fushaa e arab asal e balaaghat se hain mabhoot
باتیں ہیں کہ آیات کے اظہار کا درپن
لہجہ ہے ترا عسلِ محبت سے مزین
Baatein hain ke aayaat ke izhaar ka darpan
Lahja hai tera asal e mohabbat se muzayyan
ملتی ہے تسلی تری شیریں سخنی سے
ہر گھاؤ بھرا تیرے لعابِ دہنی سے
Milti hai tasalli teri sheereen sakhuni se
Har ghaav bhara tere luaab e dahni se
اے ربِ دوعالم کی زباں بولنے والے
اقوال ترے کان میں رس گھولنے والے
Ae Rabb e do aalam ki zabaan bolne wale
Aqwaal tere kaan mein ras gholne wale
بازو ہیں یتیموں کی یتیمی کا سہارا
طوفان میں تھامیں تو مقدر ہو کنارا
Baazu hain yateemoon ki yateemi ka sahaara
Toofaan mein thaamen to muqaddar ho kinaara
عظمت وہ ترے دستِ کرم بار نے پائی
عالم ہے کفِ نور پہ اک دانۂ رائی
Azmat woh tere dast e karam baar ne pai
Aalam hai kaf e noor pe ik daana e rai
انگشتِ کرم کر دے اگر ایک اشارا
بن جائے گا بگڑا ہوا ہر کام ہمارا
Angusht e karam kar de agar ek ishaara
Ban jaaye ga bigra hua har kaam hamaara
سینہ ہے کہ افراطِ طہارت سے ہے زریاب
رنگت ہے تری دودھ میں آمیزشِ زر ناب
Seena hai ke afraat e taharat se hai zaryaab
Rangat hai teri doodh mein ameezish e zar naab
دم بستہ مراتب تری چوکھٹ پہ پڑے ہیں
جھنڈے ترے معمور کی چھت پر بھی گڑے ہیں
Dam basta maraatib tere chaukhat pe paday hain
Jhanday tere maamoor ki chhat par bhi gadhay hain
اے باعثِ الطافِ الہ رونقِ حرمین
معراج ہے میری تو بس اک بوسۂ قدمین
Ae baa-is e altaaf e ilaah rounaq e haramain
Miraaj hai meri to bas ik bosa e qadmayan
کندہ ہے تری پشت پہ اک مہرِ نبوت
پرتو ہے اسی کا روے مہتاب کی طلعت
Kunda hai teri pusht pe ek mohar e nabuwat
Partau hai isi ka roe-e-mahtab ki tal'at
اک نور ہے پرنور سراپا سے ہویدا
خوشبو ہے ترے مشک فشاں جسم کی شیدا
Ik noor hai parnoor sarapa se hoaida
Khushboo hai tere mushk fisaan jism ki shaida
اجرامِ فلک گرد تری راہ گزر کی
رفعت بھی قدم بوس ہے باندی ترے در کی
Ajraam e falak gird teri raah guzar ki
Rafat bhi qadam bos hai bandi tere dar ki
معراج سفر اور سواری تری رف رف
تیرے ہی سبب نوعِ بشر ہو گئی اشرف
Miraaj safar aur sawaari teri raf raf
Tere hi sabab no-e-bashar ho gayi ashraf
سدرا ہے پڑاؤ ترا قوسین ہے منزل
ہے زیرِ قدم زہرہ و ناہید کی جھلمل
Sadra hai parao tera qausain hai manzil
Hai zair e qadam zehra o naheed ki jhalmil
افلاک تری رفعتِ نعلین پہ قرباں
ہے عرش ترے تلوۂ نازک سے فروزاں
Aaflaak teri rafat e nalain pe qurbaaan
Hai arsh tere talwa e naazuk se farozan
نعلین کی ضو کاہکشاؤں سے عیاں ہے
تلووں سی چمک روئے قمر میں بھی کہاں ہے
Nalain ki zo kahakashaon se ayaanh hai
Talwon si chamak roue qamar mein bhi kahan hai
تو صاحبِ معراج ہے تو عرش نشیں ہے
ہمسر ترا کونین میں کوئی بھی نہیں ہے
Tu saahib e miraaj hai tu arsh nasheen hai
Hamsar tera konain mein koi bhi nahin hai
نوشابۂ دیدار کا اک جام پلا دے
اے رونقِ کونین مرا خواب سجا دے
Noshaba e deedaar ka ik jaam pila de
Ae ronaq e konain mera khwaab saja de
Share This Naat
Share with friends and family
اے وجہِ تب و تابِ جہاں روحِ دوعالم
اشفاق احمد غوری