naat
عظمتِ مصطفیٰ جاننے کے لیے صدقِ دل اور فکرِ رسا چاہیے
عظمتِ مصطفیٰ جاننے کے لیے صدقِ دل اور فکرِ رسا چاہیے
قربتِ رب ہے اس بات پر منحصر دل کی دھڑکن میں صلِ علیٰ چاہیے
Azmat-e-Mustafa jaan'ne ke liye sadiq-e-dil aur fikr-e-rasa chahiye
Qurbat-e-Rab hai is baat par munhasir dil ki dhadkan mein Sal-e-Ala chahiye
ہم مدینے کی گلیوں میں جا کر بسیں رات دن ان کے قدموں میں لوٹا کریں
اپنے آقا کا صدقہ اتارا کریں ہم غلاموں کو بس اور کیا چاہیے
Hum Madine ki galiyon mein jakar basen raat din un ke qadmon mein lota karein
Apne aaqa ka sadaqa utaara karein hum ghulamoon ko bas aur kya chahiye
جب حرارت گناہوں کی حد سے بڑھے مہرِ روزِ قیامت سروں پر چڑھے
ایسی نازک گھڑی میں خدا کی قسم ان کے دامن کی ٹھنڈی ہوا چاہیے
Jab hararat gunahon ki had se barhe mehr-e-roz-e-qayamat saroon par charhe
Aisi naazuk ghari mein Khuda ki qasam un ke daman ki thandi hua chahiye
مصطفیٰ خلد میں جب رکھیں گے قدم کھل اٹھے گا مسرت سے باغِ ارم
ہم بھی آقا کے قدموں میں پائیں جگہ اور کیا ہم کو اس کے سوا چاہیے
Mustafa khuld mein jab rakhen ge qadam khil uthhega musarrat se bagh-e-Iram
Hum bhi aaqa ke qadmon mein payen jagah aur kya hum ko is ke siwa chahiye
سبز گنبد کی زیارت جسے مل گئی اس کی قسمت کی گویا کلی کھل گئی
یوں مدینے کو جائیں کہ لوٹیں نہ ہم عشق کہتا ہے ایسی دعا چاہیے
Sabz gumbad ki ziarat jise mil gayi us ke qismat ki goya kali khil gayi
Yoon Madine ko jayein ke loten na hum ishq kehta hai aisi dua chahiye
خاندانِ نبی سے ہے رشتہ مرا پھر بھی جنت پہ میرا اجارہ نہیں
نیک و صالح بنوں با شریعت رہوں آپ لوگوں کی اتنی دعا چاہیے
Khandaan-e-Nabi se hai rishta mera phir bhi jannat pe mera ijara nahin
Naik o saleh banun ba shariat rahun aap logon ki itni dua chahiye
غوثِ اعظم کا سایہ ہے سر پر مرے مجھ پہ خواجہ کی بھی ہے نگاہ کرم
شاہِ برکت کے در کا میں دربان ہوں مجھ کو پیروں کی نوری ضیا چاہیے
Ghous-e-Azam ka saya hai sar par mere mujh pe khwaja ki bhi hai nigah-e-karam
Shah-e-barkat ke dar ka mein darbaan hoon mujhe peeron ki noori zia chahiye
فیض نظمی کو مرشد کے در سے ملا اس کو بھی نعت کہنے کا فن آگیا
پر ابھی پختگی اس میں آئی نہیں تھوڑی تاثیرِ کلکِ رضا چاہیے
Faiz Nazmi ko murshid ke dar se mila is ko bhi naat kehne ka fun aagaya
Per abhi pukhtagi is mein aayi nahin thodi taseer-e-kalk-e-Raza chahiye
Share This Naat
Share with friends and family
عظمتِ مصطفیٰ جاننے کے لیے صدقِ دل اور فکرِ رسا چاہیے
سید آل رسول حسنین میاں برکاتی نظمی