آشنا انساں مقامِ کبریائی سے ہوا
ہفت خواں یہ طے نبیؐ کی رہنمائی سے ہوا
Ashna insaan maqam-e-kibriyayi se hua
Haft khwan yeh te Nabi (ﷺ) ki rehnumaayi se hua
جانے کب تک راز رہتا وحدت و کثرت کا ربط
منکشف جو آپ کی عقدہ کشائی سے ہوا
Jaane kab tak raaz rehta wahdat o kasrat ka rabt
Munkashif jo aap ki uqda kushayi se hua
ہر مکاں خوشبوئے سیرت سے بنا رشک ِ چمن
ہر زماں روشن جمالِ مصطفائی سے ہوا
Har makaan khushboo-e-seerat se bana rashk-e-chaman
Har zamaan roshan jamaal-e-Mustafai se hua
بے نیازی آپ کی وابستگی نے کی عطا
میں غنی کوئے پیمبرؐ کی گدائی سے ہوا
Be niyaazi aap ki wabastagi ne ki ata
Main ghani kooye Paigambar (ﷺ) ki gadaayi se hua
مدحتِ آقاؐ متاعِ بے بہا بنتی گئی
میرا ہر ارمان پورا اس کمائی سے ہوا
Mad'hat-e-Aaqa (ﷺ) mata-e-be-baha banti gayi
Mera har armaan poora is kamaayi se hua
لب کشائی کا ہنر نا معتبر مجھ کو لگا
مُدّعا دل کا جو ظاہر بے نوائی سے ہوا
Lab kashayi ka hunar na motabar mujh ko laga
Mudda dil ka jo zahir be nawai se hua
مہربانی حال پر میرے ہوئی کس کس طرح
کیا سے کیا تائب میں اس در تک رسائی سے ہوا
Mehrbani haal par mere hui kis kis tarah
Kya se kya taib main is dar tak rasai se hua
Share This Naat
Share with friends and family
آشنا انساں مقامِ کبریائی سے ہوا
حفیظ تائب