حرفِ سخن پہ نعت نے کتنا بڑا کرم کیا
جامِ سفالِ حرف کو، چھوتے ہی جامِ جم کیا
Harf-e-Sukhan pe Naat ne kitna bara karam kiya
Jama-e-Safal-e-Harf ko, chhootay hi Jama-e-Jam kiya
جب بھی وفورِ شوق نے، جوعِ نعوت کو چھوا
قاسمِ رزق نے مجھے، رزقِ سخن بہم کیا
Jab bhi Wafoor-e-Shauq ne, Jou'a-e-Nao'at ko chhua
Qasim-e-Rizq ne mujhe, Rizq-e-Sukhan baham kiya
اپنے قلم کو دربدر ، ہونے نہیں دیا کبھی
صرف برائے مدحِ شہ، خامۂ عجز خم کیا
Apne qalam ko darbadar, hone nahi diya kabhi
Sirf baraye madah-e-Shah, khama-e-ijz kham kiya
ماں نے سنائیں رات دن، نعتِ نبی کی لوریاں
پڑھ کے حضور پر درود، بابا نے مجھ پہ دم کیا
Maan ne sunain raat din, Naat-e-Nabi ki loriyaan
Parh ke Huzoor par darood, Baba ne mujh pe dum kiya
پیشِ حضور سر بہ خم ،لے کے حضوریوں کا حظ
اشکوں سے ہو کے با وضو ،حرفِ ثنا رقم کیا
Pesh-e-Huzoor sar ba kham, le ke huzooriyon ka hazz
Ashkon se ho ke ba wuzu, Harf-e-Sana raqam kiya
حبِ نبی نے کر دیا، قلبِ حزیں کو مشکبو
یادِ نبی کے آب نے، آنکھوں کو محترم کیا
Hubb-e-Nabi ne kar diya, qalb-e-hazin ko mashkboo
Yaad-e-Nabi ke aab ne, aankhon ko mohtaram kiya
پلکیں وفورِ عجز سے، سوئے حرم جھکی رہِیں
آنکھوں نے شہرِ نور میں، سجدہ قدم قدم کیا
Palken wafur-e-ajz se, soy-e-Haram jhuki rahain
Aankhon ne shehr-e-noor mein, sajda kadam kadam kiya
کر کے تصورِ حضور، سنگِ درِ رسول پر
چھو کے نعالِ شاہِ دیں ، ہجر کا درد کم کیا
Kar ke tasawwur-e-Huzoor, sang-e-dar-e-Rasool par
Chhu ke Na'al-e-Shah-e-Deen, hijr ka dard kam kiya
مہکے ہماری یاد میں، جب بھی نفوسِ کربلا
راحتیں رکھ کے طاق پر، آلِ نبی کا غم کیا
Mehke hamari yaad mein, jab bhi nafus-e-Karbala
Raahatein rakh ke taaq par, aal-e-Nabi ka gham kiya
Share This Naat
Share with friends and family
حرفِ سخن پہ نعت نے کتنا بڑا کرم کیا
اشفاق احمد غوری