شاہ کی توصیف ہر پل زینتِ قرطاس ہو
نطق میرا الفتِ سرکار کا عکاس ہو
Shah ki tauseef har pal zeenat-e-qirtaas ho
Nutq mera ulfat-e-sarkar ka akaas ho
نعت ہی کی نوکری ہو تا دمِ آخر مری
نعت سے ہٹ کر نہ کوئی صنف مجھ کو راس ہو
Naat hi ki naukri ho ta dam-e-aakhri meri
Naat se hatt kar na koi sanf mujh ko raas ho
خدمتِ شاہِ عرب میں پیش کر پاؤں جسے
مشک و عنبر سے دھلا وہ لفظ میرے پاس ہو
Khidmat-e-shah-e-arab mein paish kar paoon jise
Mashk o anbar se dhula woh lafz mere paas ho
ہو تصور اس قدر پختہ دیارِ نور کا
ہر گھڑی در پر حضوری کا حسیں احساس ہو
Ho tasawwur is qadar pukhta diyar-e-noor ka
Har ghadi dar par huzoori ka haseen ehsaas ho
میری ہر امید کا محور شہِ ابرار ہوں
آپ کے لطف و کرم سے منسلک ہر آس ہو
Meri har umeed ka mehwar shah-e-abraar hoon
Aap ke lutf o karam se munsalik har aas ho
کاسہ لیسی کر رہے ہیں آپ کے دربار میں
عود ہو عنبر ہو یا مشکِ ختن کی باس ہو
Kasa leesi kar rahe hain aap ke darbar mein
Aood ho anbar ho ya mashk-e-khitan ki baas ho
میں گداگر تاجدارِ دو جہاں کے در کا ہوں
کیوں مجھے اشفاقؔ خوفِ غربت و افلاس ہو
Main gadagar tajdaar-e-do jahan ke dar ka hoon
Kyoon mujhe Ashfaq khauf-e-ghurbat o iflaas ho
Share This Naat
Share with friends and family
شاہ کی توصیف ہر پل زینتِ قرطاس ہو
اشفاق احمد غوری