سب زمانوں سے افضل زمانہ ترا
تو مکمل مکمّل زمانہ ترا
Sab zamano se afzal zamana tera
Tu mukammal mukammal zamana tera
کس قدر زنگ آلود تھی زندگی
کر گیا کتنا صیقل زمانہ ترا
Kis qadr zang alood thi zindagi
Kar gaya kitna saiql zamana tera
دیکھتا کیا کوئی تیری پرچھائیاں
لے کے چلتے تھے بادل زمانہ ترا
Dekhta kya koi teri parchhaiyan
Le ke chalte the badal zamana tera
لمحے لمحے کی مٹھی میں جگنو ترے
ہر زمانے کی مشعل زمانہ ترا
Lamhe lamhe ki muthi mein jugnu tere
Har zamane ki mashal zamana tera
تیز گھوڑے پہ بیٹھے ہوئے وقت سے
کتنا آگے ہے پیدل زمانہ ترا
Tez ghoray pe baithe hue waqt se
Kitna aage hai paidal zamana tera
آدمی کو کھٹکنے لگا آدمی
ہو گیا جب سے اوجھل زمانہ ترا
Admi ko khatkne laga admi
Ho gaya jab se oojl zamana tera
حرف اوّل بھی تو حرفِ آخر بھی تو
دیکھتا ہوں مسلسل زمانہ ترا
Harf awwal bhi tu harf aakhir bhi tu
Dekhta hoon musalsal zamana tera
ریگزاروں میں آباد مخلوق کو
کرنے آیا تھا جل تھل زمانہ ترا
Regzaron mein abad makhlooq ko
Karne aya tha jal thal zamana tera
ہر اندھیرے کا زیور تری روشنی
پھول تیرا سخن پھل زمانہ ترا
Har andhere ka zewar teri roshni
Phool tera sakhan phal zamana tera
اک مظفر ہی کیا سب کو معلوم ہے
مشکلیں زندگی ، حل زمانہ ترا
Ek Muzaffar hi kya sab ko maloom hai
Mushkilain zindagi, hal zamana tera
Share This Naat
Share with friends and family
سب زمانوں سے افضل زمانہ ترا
مظفر وارثی