نعت میں کیسے کہوں ان کی رضا سے پہلے
میرے ماتھے پہ پسینہ ہے ثنا سے پہلے
Naat mein kaise kahun un ki raza se pehle
Mere mathay pe paseena hai sana se pehle
نُور کا نام نہ تھا عالمِ امکاں میں کہیں
جلوہء صاحبِ لولاک لَما سے پہلے
Noor ka naam na tha aalam-e-imkaan mein kahin
Jalwa-e-saahib-e-lolaak lama se pehle
اُن کا در وہ درِ دولت ہے جہاں شام و سحر
بھیک ملتی ہے فقیروں کو صدا سے پہلے
Un ka dar wo dar-e-doulat hai jahan shaam o sehar
Bheek milti hai faqeeron ko sada se pehle
اب یہ عاَلم ہے کہ دامن کا سنبھلنا ہے محال
کچھ بھی دامن میں نہ تھا ان کی عطا سے پہلے
Ab ye alam hai ke daaman ka sanbhalna hai mahaal
Kuch bhi daaman mein na tha un ki ata se pehle
تم نہیں جانتے شاید مرے آقاﷺ کا مزاج
اُن کے قدموں سے لپٹ جاؤ سزا سے پہلے
Tum nahi jaante shayad mere aaqaﷺ ka mizaaj
Un ke qadmon se lipat jao saza se pehle
چشمِ رحمت سے ملا اشکِ ندامت کا جواب
مشکل آسان ہوئی قصدِ دُعا سے پہلے
Chashm-e-rehmat se mila ashk-e-nadamat ka jawab
Mushkil aasan hui qasd-e-duaa se pehle
اور تو کچھ نہیں مانگا مرے مولا تجھ سے
اک جھلک روضہ ء اقدس کی قضا سے پہلے
Aur to kuch nahi maanga mere Maula tujh se
Ek jhalak roza-e-aqdas ki qaza se pehle
میری آنکھیں مِرا رستہ جو نہ روکیں اقبؔال
میں مدینے میں ملوں راہ نما سے پہلے
Meri aankhen mera rasta jo na rokein Iqbal
Main madine mein milun rah numa se pehle
Share This Naat
Share with friends and family
نعت میں کیسے کہوں ان کی رضا سے پہلے
پروفیسراقبال عظیم