نظر میں ہے درِ خیرالوریٰ بحمداللہ
قبول ہوگئی میری دعا بحمداللہ
Nazar mein hai dar-e-khair-ul-wara bahamdulillah
Qubool ho gayi meri dua bahamdulillah
چلی ہے ان کے کرم کی ہوا بحمد اللہ
ہر ایک سانس ہے محوِ ثناء بحمد اللہ
Chali hai un ke karam ki hawa bahamdulillah
Har aik saans hai mehve sana bahamdulillah
درِ حضور پر جب بھی دعا کو لب کھولے
ملا ہے مجھ کو طلب سے سوا بحمداللہ
Dar-e-Huzoor par jab bhi dua ko lab kholay
Mila hai mujh ko talab se siwa bahamdulillah
یہی ہے میرا اثاثہ، یہی مری پونجی
نبی کی نعت ہے سب کچھ مرا، بحمد اللہ
Yahi hai mera asasa, yahi meri poonji
Nabi ki naat hai sab kuch mera, bahamdulillah
بسی ہوئی ہے وہاں آج بھی مہک ان کی
میں دیکھ آیا ہوں غارِ حرا، بحمد اللہ
Basi hui hai wahan aaj bhi mehak unki
Mein dekh aaya hoon ghar-e-Hira, bahamdulillah
ہم اہلِ نعت کا شام وسحر یہی معمول
کبھی ثناء کبھی حمدِ خدا، بحمد اللہ
Hum ahl-e-naat ka shaam o sahar yahi mamool
Kabhi sana kabhi hamd-e-khuda, bahamdulillah
نبی کی نعت کا موسم ہےشاخِ ہستی پر
گلِ خیال ہے مہکا ہوا، بحمد اللہ
Nabi ki naat ka mausam hai shaakh-e-hasti par
Gul-e-khayal hai mehka hua, bahamdulillah
میں اس کرم کے تصدّق، میں اس عطا پہ نثار
میرا نصیب ہے مدح وثناء بحمد اللہ
Mein is karam ke tasadduq, mein is ata pe nisaar
Mera naseeb hai madah o sana bahamdulillah
فضائے فکر کو رکھتا ہے مشکبو سرور
خیال نعت ہے مثل صباء بحمد اللہ
Faza-e-fikr ko rakhta hai mushkbu suroor
Khayal-e-naat hai misl-e-saba bahamdulillah
Share This Naat
Share with friends and family
نظر میں ہے درِ خیرالوریٰ بحمداللہ
سرور حسین نقشبندی