رنگ ہستی نکھر نکھر جائے
چشم رحمت جدھر جدھر جائے
Rang-e-hasti nikhar nikhar jaye
Chashm-e-rehmat jidhar jidhar jaye
تیرا منگتا نہ در بدر جائے
تری دہلیز پر ہی مرجائے
Tera mangta na dar badar jaye
Teri dehleez par hi mar jaye
مرے وارث مرے غریب نواز
مرا کشکول آج بھر جائے
Mere waris mere gareeb nawaz
Mera kashkool aaj bhar jaye
آرزو ہے کہ میری عمر تمام
یاد سرکار میں گزر جائے
Arzoo hai ke meri umar tamaam
Yaad-e-sarkar mein guzar jaye
فرش تو فرش ہے مرے آقا
عرش پر بھی تری نظر جائے
Farsh to farsh hai mere aaqa
Arsh par bhi teri nazar jaye
جو بھی آیا ہے تری محفل میں
خوب سے ہو کے خوب تر جائے
Jo bhi aaya hai teri mehfil mein
Khoob se ho ke khoob tar jaye
سب کی قسمت سنوارنے والے
میری تقدیر بھی سنور جائے
Sab ki qismat sanwarne wale
Meri taqdeer bhi sanwar jaye
بزمِ عالم کا رنگ پھیکا ہے
تم جو چاہو تو پھر نکھر جائے
Bazm-e-aalam ka rang pheeka hai
Tum jo chaho to phir nikhar jaye
بانٹ دیتے ہیں سب فقیروں میں
جو بھی نعمت نبی کے گھر جائے
Baant dete hain sab faqeeron mein
Jo bhi naimat Nabi ke ghar jaye
انکی آنکھوں کے اک اشارے پر
نظام عالم ٹھہر ٹھہر جائے
Inki aankhon ke ek ishaare par
Nizaam-e-aalam thehar thehar jaye
لطف جب ہے ادھر کروں فریاد
مرے سرکار کو خبر جائے
Lutf jab hai idhar karoon faryaad
Mere sarkar ko khabar jaye
ہر قدم پر ادا کرے سجدے
جب نیازی ترے نگر جائے
Har qadam par ada kare sajde
Jab Niazi tere nagar jaye
Share This Naat
Share with friends and family
رنگ ہستی نکھر نکھر جائے
عبدالستار نیازی