وہ منزلِ حیات ہے وہ جانِ انقلاب
نورِ شعور بھی وہی وہ ہی مرا نصاب
Woh manzil-e-hayat hai woh jaan-e-inqilab
Noor-e-shaoor bhi wohi woh hi mera nasab
عشقِ حضورؐ کے بنا بے لطف زندگی
سب رونقیں فضول ہیں ہر دلکشی عذاب
Ishq-e-Huzoorؐ ke bina be lutf zindagi
Sab raunaqain fazool hain har dilkashi azab
خطبات عالیہ ترے منشورِ آگہی
رشکِ بہار لہجہ ہر اک لفظ ہے گلاب
Khitbat-e-aliya tere manshoor-e-aagahi
Rashk-e-bahar lehja har ik lafz hai gulaab
پتھر سرشت لوگوں کے لہجوں کی تلخیاں
کب لاسکیں کبھی تری ہمت میں اضطراب
Pathar sarisht logon ke lehjon ki talkhiyan
Kab laa sakain kabhi teri himmat mein iztirab
دانشوری یہی ہے کہ ہر موڑ پہ سدا
سیرت کی روشنی سے ہی کرنا ہے اکتساب
Danishwari yeh hai ke har mor pe sada
Seerat ki roshni se hi karna hai iktisab
تیری نگاہِ پاک سے جن کو ملا عروج
وہ منزلِ یقین کے رہبر تھے لاجواب
Teri nigah-e-paak se jin ko mila urooj
Woh manzil-e-yaqeen ke rahbar the lajawab
پتھر درخت جانور دنیائے انس و جاں
تیرے کرم کا سب پہ برستا رہا سحاب
Pathar darakht janwar duniya-e-ins o jaan
Tere karam ka sab pe barasta raha sahab
ہم لوگ اس قدر ہیں حیا سے شکیلؔ دور
سیرت کا نور کررہا ہے ہم سے اب حجاب
Hum log is qadar hain haya se Shakeelؔ door
Seerat ka noor kar raha hai hum se ab hijab
Share This Naat
Share with friends and family
وہ منزلِ حیات ہے وہ جانِ انقلاب
محمد شکیل نقشبندی