تم چاہے جہاں سے بھی ہو آیات اُٹھا لو
ہے مدحتِ سرکار میں قرآن مکمل
Tum chahe jahan se bhi ho aayat utha lo
Hai mad'hat-e-Sarkar mein Quran mukammal
سرکار پہ ہو جائے فدا جان مکمل
تب جا کے کہیں ہوتا ہے ایمان مکمل
Sarkar pe ho jaye fida jaan mukammal
Tab ja ke kahin hota hai imaan mukammal
ہے یہ مِرے سرکار کا فیضان مکمل
رکھتا ہوں ثنا خوانوں میں پہچان مکمل
Hai ye mure Sarkar ka faizan mukammal
Rakhta hoon sana khwano mein pehchaan mukammal
سرکار ہیں لا ثانی نہیں ہے کوئی ثانی
انساں نہیں اُن سا کوئی انسان مکمل
Sarkar hain la-sanee nahi hai koi saanee
Insaan nahi un sa koi insaan mukammal
جو اپنی طرح کہتے ہیں محبوبِ خدا کو
مفلوج ہیں اُن لوگوں کے اذہان مکمل
Jo apni tarah kehte hain mehboob-e-Khuda ko
Maflooj hain un logon ke azhaan mukammal
تم چاہے جہاں سے بھی ہو آیات اُٹھا لو
ہے مدحتِ سرکار میں قرآن مکمل
Tum chahe jahan se bhi ho aayat utha lo
Hai mad'hat-e-Sarkar mein Quran mukammal
جس دل میں نہیں ہے مِرے آقا کی محبت
ہر وقت رہے گا وہ پریشان مکمل
Jis dil mein nahi hai mure Aaqa ki mohabbat
Har waqt rahega wo pareshaan mukammal
کہنے کی ذرا دیر ہے سرکار اغثنی
مشکل ابھی ہو جائے گی آسان مکمل
Kehne ki zara dair hai Sarkar aghisni
Mushkil abhi ho jaye gi aasaan mukammal
اللہ مجھے بھی تو دِکھا کعبے کا کعبہ
ہو جائے سفر کا مِرے سامان مکمل
Allah mujhe bhi to dikha Kaabe ka Kaaba
Ho jaye safar ka mire samaan mukammal
ملتا نہ شفیقؔ آپ کو حسان کا صدقہ
پھر ہوتا کہاں نعتوں کا دیوان مکمل
Milta na Shafeeq aap ko Hassaan ka sadqa
Phir hota kahan naaton ka deewan mukammal
Share This Naat
Share with friends and family
تم چاہے جہاں سے بھی ہو آیات اُٹھا لو
شفیق ؔ رائے پوری