ہجر کے ماروں کو کب کوئی دوا اچھی لگی
ہاں مگر شہر محبت کی ہوا اچھی لگی
Hijr ke maaron ko kab koi dawa achi lagi
Haan magar shehar mohabbat ki hawa achi lagi
ہیں جہاں کی رونقیں رعنائیاں اپنی جگہ
عاشقوں کو تو مدینے کی فضا اچھی لگی
Hain jahan ki ronqen ranaaiyan apni jagah
Aashiqon ko to Madine ki fiza achi lagi
چاند تارے بھی حسیں ہیں خوب ہے خورشید بھی
پر نظر کو سبز گنبد کی ضیا اچھی لگی
Chaand tare bhi haseen hain khoob hai khursheed bhi
Par nazar ko sabz gunbad ki zia achi lagi
یوں تو دینے والوں نے دی ہیں دعائیں ان گنت
ان دعاؤں میں مدینے کی دعا اچھی لگی
Yoon to dene walon ne di hain duayen un ginit
Un duawon mein Madine ki dua achi lagi
مانگتے ہیں جو محمد مصطفیٰ کے نام پر
ایسے منگتوں کی خدا کو بھی ادا اچھی لگی
Mangte hain jo Muhammad Mustafa ke naam par
Ese mangton ki Khuda ko bhi ada achi lagi
قبلہ رخ بھی پھیر ڈالا چاند بھی دو کر دیا
میرے رب کو کملی والے کی رضا اچھی لگی
Qibla rukh bhi pher dala chaand bhi do kar diya
Mere Rabb ko Kamli walay ki raza achi lagi
ان کے منہ سے جو بھی نکلی خالق کونین کو
رب "ھب لی امتی" کی وہ صدا اچھی لگی
Un ke munh se jo bhi nikli Khaliq konain ko
Rabb "Hab li ummati" ki woh sada achi lagi
ان کے در کی حاضری کا لے کے آتی ہے پیام
کیا کہوں مجھ کو تو کتنی اے صبا اچھی لگی
Un ke dar ki hazri ka le ke aati hai payam
Kya kahoon mujh ko to kitni ae saba achi lagi
اے نیازی عاشقان مصطفیٰ کو دم بدم
گر لگی اچھی تو نعت مصطفی اچھی لگی
Ae Niazi aashiqan Mustafa ko dam ba dam
Gar lagi achi to naat Mustafa achi lagi
Share This Naat
Share with friends and family
ہجر کے ماروں کو کب کوئی دوا اچھی لگی
عبدالستار نیازی