دل اپنے دا گھر مطلع انوار کری جا
دن رات فقط مدحت سرکار کری جا
Dil apne da ghr matla-e-anwaar kri ja
Din raat faqat maddhat Sarkar kri ja
جے چاہنا ایں صدیق دے ٹولے چ رلیں توں
قربان نبی پاک توں گھر بار کری جا
Je chaahna aein Siddiq de tole ch rlein toon
Qurbaan Nabi Pak toon ghr baar kri ja
ہر چیز مدینے دی بڑی سوہنی ایں پر توں
سرکار دے دربار دا دیدار کری جا
Har cheez Madine di vaddi sohnhi ae par toon
Sarkar de darbaar da deedaar kri ja
جس پاسے نے سرکار دے میلاد دے منکر
اس پاسے توں لاحول دی دیوار کری جا
Jis paase ne Sarkar de Milaad de munkar
Us paase toon laa haula di deewaar kri ja
جہناں تے خُدا راضی اے راضی اے نبی وی
نال اوہناں دے ہر حال دے وچ پیار کری جا
Jeha na te Khuda raazi ae raazi ae Nabi vi
Nal ohna de har haal de vich pyaar kri ja
کر دینی خدا پاک نے آج تیری اے بخشش
رو رو کے گناہواں توں اقرار کری جا
Kar deni Khuda Pak ne aaj teri ae bkhshish
Ro ro ke gunaahwaan toon iqraar kri ja
اک روز نبی پاک بلا لین گے صائم
ہار اشکاں دے کجھ ہور توں تیار کری جا
Ik roz Nabi Pak bula lain ge Saaim
Haar ashkaan de kujh hor toon tayaar kri ja
Share This Naat
Share with friends and family
دل اپنے دا گھر مطلع انوار کری جا
علامہ صائم چشتی