محمد پیاریا سرور حبیبا
جگاؤنا اے کدوں میرا نصیبا
Muhammad Pyaria Sarwar Habiba
Jagaona ae kadon mera naseeba
لباں تے جان ہے صائم دی آئی
خدا دے واسطے آجا طبیبا
Labaan te jaan hai Saam di aai
Khuda de wastay aaja tabiba
غماں نے جان ہے میری جلائی
تُساندی دید ہے میری دوائی
Ghaman ne jaan hai meri jalai
Tusaandi deed hai meriowawee
ہے دیوانہ تیرا ناچیز صائم
زمانہ آکھدا مینوں سودائی
Hai deewana tera na-cheez Saam
Zamana aakhda meno sodai
محمد مصطفے شاہ زمانہ
ہے منبع فیض دا تیرا گھرانہ
Muhammad Mustafa Shah zamana
Hai manba faiz da tera gharana
جے مل جاوے گدائی تیرے گھر دی
ملے صائم نوں رحمت دا خزانہ
Je mil jaave gadai tere ghar di
Mile Saam nu rehamat da khazana
صبا جاویں تے آکھیں مُصطفیٰ نوں
خدا دے لاڈلے نور الہدی نوں
Saba jawen te aakhen Mustafa nu
Khuda de laadlay Noor ul-Huda nu
ترا صائم تڑپدا دور تیتھوں
بلا شاہا کدی در تے گدا نوں
Tera Saam tadapda door tethon
Bula shaha kadi dar te gada nu
میں روواں رات دن ہجراں ستایا
غماں دی آگ نے مینوں جلایا
Main rowan raat din hijraan sataya
Ghaman di aag ne mennu jalaya
ہے تیری یاد دا صائم نے دیوا
مقدر دے ہنیرے وچ جگایا
Hai teri yaad da Saam ne diwa
Muqaddar de hanere vich jagaya
ہجر وچ یا نبی ہنجو بہاواں
کُھلاواں پوتھیاں قسمت وکھاواں
Hijr vich ya Nabi hanju bahaawan
Khulawan pothiyan qismat vakhawan
مقدر ویکھ کے چپ ہون پاندھے
تے صائم میرے لب تے اون ہاواں
Muqaddar vekh ke chup hon pandhe
Te Saame mere lab te oon haawan
زمانے نوں تُساں در تے بُلایا
گیا خالی جو جھولی بھر کے آیا
Zamay deon tusan dar te bulaya
Gaya khaali jo jhooli bhar ke aaya
پتہ نہیں کیوں اے صائم دے طبیبا
مريض عشق دا چیتا بھلایا
Pata nahi kyun ae Saam de tabiba
Mareez ishq da cheeta bhulaya
غم ہجراں نے میری جان بالی
مدینے سد لوؤ دُکھیاں دے والی
Ghum hijraan ne meri jaan baali
Madine sad lo dukhian de wali
خیالاں وچ رہوے ہر وقت صائم
ہرے گنبد دی نُوری پاک جالی
Khialan vich rahe har waqt Saam
Hara gumbad di noori pak jali
نہ طالب تاج تختاں دا نہ زر دا
کمینہ سگ ہاں میں اس پاک در دا
Na talab taj takhtan da na zar da
Kameena sag han main is pak dar da
جتے عرشاں اُتوں ہر وقت صائم
رہوں چھم چھم خدا دا نور ورھدا
Jithe arshaan utton har waqt Saam
Rahan cham cham Khuda da Noor varhda
میرے دکھاں دا دارو دید تیری
تیرا دیدار ہے بس عید میری
Mere dhokan da daru deed teri
Tera Deedar hai bas Eid meri
کھڑا دے آن کے آساں دے غُنچے
تے پوری کر دیو امید میری
Khada de aan ke asaan de ghuche
Te puri kar diyo umeed meri
ذرا رک جا سنبھل جا اے خیالا
ہنیرا مٹ گیا ہویا اُجالا
Zara ruk ja sambhal ja ae khyaala
Hanera mitt gaya hoya ujala
نی اکھیو چم لوو ایہ سبز گنبد
اہدے اندر ہے صائم کملی والا
Ni akhiyo cham lo ae sabz gumbad
Ede andar hai Saam Kamli wala
Share This Naat
Share with friends and family
محمد پیاریا سرور حبیبا
علامہ صائم چشتی