پرچم کشا جمال ہے شہر حبیبﷺ میں
ہر نقش بے مثال ہے شہر حبیبﷺ میں
Parcham kasha jamaal hai shehr e habibﷺ mein
Har naqsh be-misaal hai shehr e habibﷺ mein
میری طرف بھی دیکھئے سرکارﷺ اک نظر
ہر لب پر اک سوال ہے شہر حبیبﷺ میں
Meri taraf bhi dekhiye Sarkarﷺ ek nazar
Har lab par ek sawal hai shehr e habibﷺ mein
بچھتا ہی جا رہا ہے ہر اک رہگذار پر
دل کا عجیب حال ہے شہر حبیبﷺ میں
Bichhta hi ja raha hai har ek rahguzar par
Dil ka ajeeb haal hai shehr e habibﷺ mein
جو زخم ہیں لگائے ہوئے روزگار کے
ان سب کا اندمال ہے شہر حبیبﷺ میں
Jo zakham hain lagaye hue rozgar ke
Un sab ka indamaal hai shehr e habibﷺ mein
کچھ ایسے غمگسار حرم کے ستون ہیں
کافور ہر ملال ہے شہر حبیبﷺ میں
Kuch aise gham-gusaar haram ke sutoon hain
Kafoor har malaal hai shehr e habibﷺ mein
منزل پہ آ گیا ہوں سفر جیسے کاٹ کر
آرام جاں بحال ہے شہر حبیبﷺ میں
Manzil pe aa gaya hoon safar jaise kaat kar
Aaraam-e-jaan bahaal hai shehr e habibﷺ mein
تائب مدینے والے کے جلوے ہیں ہرطرف
نکھرا ہوا خیال ہے شہر حبیبﷺ میں
Taib Madine wale ke jalwe hain har taraf
Nikhra hua khayaal hai shehr e habibﷺ mein
Share This Naat
Share with friends and family
پرچم کشا جمال ہے شہر حبیبﷺ میں
حفیظ تائب