پردے جس وقت اُٹھیں جلوۂ زیبائی کے
وہ نگہبان رہیں چشمِ تمنائی کے
Parday jis waqt uthain jalwa-e-zebai ke
Woh nigehban rahain chashm-e-tamnai ke
دھوم ہے فرش سے تا عرش تری شوکت کی
خطبے ہوتے ہیں جہانبانی و دارائی کے
Dhoom hai farsh se ta arsh teri shaukat ki
Khatbe hotay hain jahanbani o daraai ke
حسن رنگینی و طلعت سے تمہارے جلوے
گل و آئینہ بنے محفل و زیبائی کے
Husn rangeeni o tal'at se tumhare jalwe
Gul o aaeena bane mehfil o zebai ke
ذَرَّۂ دشتِ مدینے کی ضیا مہر کرے
اچھی ساعت سے پھریں دن شب تنہائی کے
Zarra-e-dasht-e-Madīne ki ziya mehr kare
Achhi sa'at se phirain din shab tanhai ke
پیار سے لے لیے آغوش میں سر رحمت نے
پائے انعام ترے دَر کی جبیں سائی کے
Pyar se le liye aaghosh mein sar rehmat ne
Payee in'am tere dar ki jabeen sai ke
لاش اَحباب اسی دَر پر پڑی رہنے دیں
کچھ تو اَرمان نکل جائیں جبیں سائی کے
Laash ahbaab isi dar par pari rehne dein
Kuch to armaan nikal jayen jabeen sai ke
جلوۂ گر ہو جو کبھی چشم تمنائی میں
پردے آنکھوں کے ہوں پردے تیری زیبائی کے
Jalwa-e-gar ho jo kabhi chashm tamnai mein
Parday aankhon ke hon parday teri zebai ke
خاکِ پامال ہماری بھی پڑی ہے سرِ راہ
صدقے اے رُوحِ رَواں تیری مسیحائی کے
Khaak-e-pamaal hamari bhi pari hai sar-e-rah
Sadqe ae rooh-e-rawan teri misaaai ke
کیوں نہ وہ ٹوٹے دلوں کے کھنڈر آباد کریں
کہ دکھانے ہیں کمال اَنجمن آرائی کے
Kyoon na woh toote dilon ke khindar aabaad karen
Ke dikhane hain kamaal anjuman aaraai ke
زینتوں سے ہیں حسینانِ جہاں کی زینت
زینتیں پاتی ہیں صدقے تری زیبائی کے
Zeenatton se hain haseenan-e-jahan ki zeenat
Zeenaten paati hain sadqe teri zebai ke
نامِ آقا ہوا جو لب سے غلاموں کے بلند
بالا بالا گئے غم آفتِ بالائی کے
Naam-e-aqa hua jo lab se ghulamon ke buland
Baala baala gaye gham aafat-e-balaai ke
عرش پہ کعبہ و فردوس و دلِ مومن میں
شمع اَفروز ہیں اِ ّکے تری یکتائی کے
Arsh pe Kaaba o firdous o dil-e-momin mein
Shama afroz hain ikke teri yaktai ke
ترے محتاج نے پایا ہے وہ شاہانا مزاج
اس کی گدڑی کو بھی پیوند ہوں دارائی کے
Tere mohtaaj ne paya hai woh shahaanā mizaaj
Is ki gadri ko bhi pewand hon daraai ke
اپنے ذَرَّوں کے سیہ خانوں کو روشن کر دو
مہر ہو تم فلکِ انجمن آرائی کے
Apne zarraon ke siyah khanon ko roshan kar do
Mehr ho tum falak-e-anjuman aaraai ke
پورے سرکار سے چھوٹے بڑے اَرمان ہوں سب
اے حسنؔ میرے مِرے چھوٹے بڑے بھائی کے
Pore sarkar se chhotay bare armaan hon sab
Ae Hasan mere mere chhotay bare bhaai ke
Share This Naat
Share with friends and family
پردے جس وقت اُٹھیں جلوۂ زیبائی کے
حسن رضا خان