اوج پر اس گھڑی اپنا بھی مقدّر ہوتا
سامنے گر وہ سراپائے منّور ہوتا
Ouj par is ghari apna bhi muqaddar hota
Samne gar woh sarapa-e-munawwar hota
آنکھوں میں اشکِ طلب کا جو سمندر ہوتا
خالی دامن میں مرادوں کا بھی گوہر ہوتا
Aankhon mein ashk-e-talab ka jo samundar hota
Khali daaman mein muraadon ka bhi gohar hota
سنگِ در چومتا روضے کو سلامی دیتا
کاش طیبہ میں کوئی لمحہ میسر ہوتا
Sang-e-dar choomta roza ko salaami deta
Kaash tayyaba mein koi lamha mayassar hota
شاخِ طوبیٰ کا قلم بخت سے مل جاتا اگر
وصفِ سرکار میں مصروف برابر ہوتا
Shaakh-e-tooba ka qalam bakht se mil jata agar
Wasf-e-sarkar mein masroof barabar hota
لَمس مل جاتا اگر آپ کے قدموں کا شہا
بخت کے ساتھ مرا گھر بھی منوّر ہوتا
Lams mil jata agar aap ke qadmoun ka shaha
Bakht ke saath mera ghar bhi munawwar hota
گنبدِ خضریٰ کا ہر روز لگاتا چکر
کاش طیبہ کا یہ احمدؔ بھی کبوتر ہوتا
Gumbad-e-khazra ka har roz lagata chakkar
Kaash tayyaba ka yeh Ahmad bhi kabootar hota
Share This Naat
Share with friends and family
اوج پر اس گھڑی اپنا بھی مقدّر ہوتا
مولانا طفیل احمد مصباحی